Book Title: Shantidas Nagarsheth
Author(s): Kanaiyalal Joshi
Publisher: Gurjar Granthratna Karyalay
View full book text
________________
અમદાવાદના બજારમાં શેઠ બલભદ્રનું માન પ્રખ્યાત.
શેઠ બલભદ્રની માલિકીનાં ચાર ચાર વહાણ. પ્રભાસ પાટણથી માંડી ઠેઠ દક્ષિણ ભારતનાં જુદાં જુદાં બંદરો સુધી બલભદ્રનાં વહાણો સફર કરે. આ સર્વેમાં બલભદ્રનાં વહાણોનું મુખ્ય મથક ખંભાત. ખંભાતમાં શેઠ બલભદ્રની મોટી વેપારી કોઠી.
શેઠ બલભદ્રની નેતાગીરીવાળી બે વણઝારો ફરે.
એક વણઝાર સૌરાષ્ટ્રનાં ગામડાંઓમાં ફરે, બીજી વણઝાર કચ્છનાં ગામડાંઓમાં ભમે. દરેક વણઝારમાં દસબાર ગાડાં તથા વીસેક ઊંટો રહે. માલની હેરફેર માટે ગાડાં અને ઊંટ ઉપયોગી હતાં. જુદા જુદા ગામે વણઝાર મુકામ કરે. તંબુઓ બાંધવામાં આવે. કાપડ, અનાજ, સોનું-ચાંદી ઝવેરાતની તથા તેજાના અને ઘરવખરીની ચીજવસ્તુઓની દુકાનો મંડાય. તેમાં ય રેશમી કાપડ માટે તો આ વણઝારની નામના હતી.
કાળની ગતિને કોણ કળી શક્યું છે? શેઠ બલભદ્રના ભાગ્યચક્રની ગતિ પલટાઈ.
શેઠનું એક વહાણ ચાંચિયાઓએ લૂટ્યું.
મલબારથી માલ ભરીને આવતું બીજું એક વહાણ દરિયાના તોફાનમાં ફસાયું. તેણે લીધી જળસમાધિ.
Page Navigation
1 ... 34 35 36 37 38 39 40 41 42 43 44 45 46 47 48 49 50 51 52 53 54