________________
૪૨
શાંતિદાસ નગરશેઠ
વસે છે. મને શાંતિદાસમાં પ્રભુનો સાક્ષાત્કાર થયો.”
ઈશ્વરનાં દર્શન આંખથી નથી થતાં, ઈશ્વરને શરીર નથી, તેથી તેનાં દર્શન શ્રદ્ધાથી થાય છે.
[૮]
હા, હવે દિલ્હીના તખ્ત પર હતો બાદશાહ જહાંગીર.
ગુજરાતના છેલ્લા સુલતાન મુઝફફરશાહના પુત્ર બહાદુરશાહે અમદાવાદમાં બળવો કર્યો.
બળવાને તો ત્વરાથી દબાવી દેવામાં આવ્યો. પણ... આ મોજીલો બાદશાહ અમદાવાદની મુલાકાતે આવ્યો. શહેરમાં પ્રવેશવા માટે જે દિવસ નક્કી કર્યો હતો એના કરતાં બે દિવસ વહેલો તે આવ્યો એટલે કાંકરિયા તળાવ પાસે બાદશાહનો પડાવ રાખ્યો.
બે દિવસ પછી, નક્કી કરેલા સમયે હાથી ઉપર બેસી રસ્તામાં રૂપિયા વેરતાં જહાંગીરે ભદ્રના કિલ્લામાં પ્રવેશ કર્યો.
એ સમયે ધૂળવાળા રસ્તા, પાતળા થાંભલાવાળી દુકાનો અને વળી શહેરમાં ત્રણ દરવાજાવાળો મુખ્ય રસ્તા ઉપરની દુકાનો પણ શહેરને શોભાવે નહિ એવી જોઈને બાદશાહને અમદાવાદ પસંદ ન આવ્યું. જહાંગીરને અમદાવાદ ન ગમવાથી તેણે આગ્રા પાછા જવાનો
