________________
ગ્રંથકર્તાની સૂચના સમ્યજ્ઞાનદીપિકા દૃષ્ટાંત - જેમ દીપકની જ્યોતિના પ્રકાશમાં કોઈ ઇચ્છાનુસાર પાપ, અપરાધ, કામ, કુશીલ વા દાન, પૂજા, વ્રત, શીલાદિક કરે તે અર્થાત્ જેટલાં સંસાર અને સંસારથી જ તન્મય આ સંસારનાં શુભાશુભ કામ, ક્રિયા, કર્મ અને એ સર્વનું ફળ છે તે–આ દીપકજ્યોતિને પણ લાગતાં નથી તથા દીપકજ્યોતિથી દીપજ્યોતિનો પ્રકાશ તન્મયી છે તેને પણ જન્મ-મરણાદિક, પુણ્ય-પાપરૂપ સંસાર લાગતો નથી; તે જ પ્રમાણે સ્વસ્વરૂપ સ્વાનુભવગમ્ય સમ્યજ્ઞાનમયી પરબહ્મ પરમાત્મા સદાકાળ જાગતી જ્યોતિ છે તે નથી મરતી, નથી જન્મતી, નથી નાની, નથી મોટી, નથી નાસ્તિ, નથી અસ્તિ, નથી અહીં કે નથી ત્યાં તથા ન તેને પાપ લાગે છે, ન તેને પુણ્ય લાગે છે, ન તે જ્યોતિ બોલે છે કે ન તે (જ્યોતિ) હાલે ચાલે છે. એ જ્યોતિની અંદર, બહાર કે મધ્યમાં સંસાર નથી; વળી, તેવી જ રીતે તે જ્યોતિ છે તે પણ સંસારની અંદર, બહાર કે મધ્યમાં નથી. જેમ લવણનો કટકો પાણીમાં મળી જાય છે તે જ રીતે જો કોઈને જન્મ-મરણાદિક સંસારદુઃખથી છૂટવાની ઇચ્છા હોય અથવા સદાકાળ એ જાગતી જ્યોતિમાં મળી જવાની ઇચ્છા હોય તો તે પ્રથમ સશુરુઆજ્ઞા પ્રમાણે આ સમ્યજ્ઞાનદીપિકા નામના પુસ્તકને આદિથી અંત સુધી ભણો-મનન કરો.
