Samyaggyan Dipika

Author(s): Dharmdas Bramhachari
Publisher: Shrimad Rajchandra Ashram

Page 8

એવમ્ ઉપરોક્ત મંગળ પરંપરાને અનુલક્ષીને આ વર્ષે ક્ષુલ્લક બહ્મચારી શ્રી ધર્મદાસજીવિરચિત “સમ્યજ્ઞાનદીપિકા' ગ્રંથ ઉપર સમ્યજ્ઞાનપ્રેરક સત્સંગમાળાનું આયોજન કરવામાં આવ્યું છે.
સમ્યજ્ઞાનનો દીપક સ્વયં પ્રગટાવી અન્યને તેની પ્રચુર પ્રેરણા આપનાર ક્ષુલ્લક શ્રી ધર્મદાસજીનો જન્મ વિક્રમના વીસમા શતકના પ્રારંભમાં થયો હતો. “સમ્યજ્ઞાનદીપિકા' ઉપરાંત તેમના દ્વારા રચિત “સ્વાત્માનુભવ મનન' ગ્રંથ પણ સ્વાધ્યાયયોગ્ય છે. “સમ્યજ્ઞાનદીપિકા' ગ્રંથ ક્ષુલ્લકજીએ જૂની હિંદી ભાષામાં રચીને વિ.સ. ૧૯૪૬માં પ્રકાશિત કર્યો હતો. ઉલ્લેખનીય છે કે ગ્રંથની પ્રસ્તાવના અને ભૂમિકા પણ ક્ષુલ્લકજીએ સ્વયં જ લખી હતી. એ સાથે તેઓશ્રીની આત્મકથા પણ અત્રે સમાવિષ્ટ કરેલ છે.
આપણા શુદ્ધસ્વભાવનું વર્ણન કરતો પ્રસ્તુત ગ્રંથ સમ્યજ્ઞાન પ્રગટ કરવા માટે દીપિકા સમાન છે. સ્વસ્વરૂપ સ્વાનુભવગમ્ય સમ્યજ્ઞાનમયી સ્વભાવવસ્તુનો મહિમા ગાતાં પૂજ્ય શ્રી ધર્મદાસજીની આત્મમસ્તી આ ગ્રંથમાં પાને પાને દૃષ્ટિગોચર થાય છે. ગ્રંથનું કદ નાનું છતાં “ગાગરમાં સાગર'ના ન્યાયે તેમાં અનેક પારમાર્થિક વિષયોની ગૂંથણી અનેરી સૂક્ષ્મતાથી થયેલી અનુભવાય છે. વળી, અધ્યાત્મરસપ્રધાન હોવા છતાં આ ગ્રંથમાં વારંવાર શ્રી સદ્ગુરુના આશ્રયનો અપરંપાર મહિમા ગાવામાં આવ્યો છે અને એ રીતે માર્ગના ક્રમનું સ્પષ્ટ ભાન કરાવવામાં આવ્યું છે.
પ્રસ્તુત ગ્રંથનાં મુદ્રણ-ઉપક્રમ અર્થે શ્રી સોમચંદભાઈ અમથાલાલ શાહ દ્વારા અનુવાદિત તથા શ્રી વીતરાગ સસાહિત્ય પ્રસારક ટ્રસ્ટ, ભાવનગર દ્વારા પ્રકાશિત “સમ્યજ્ઞાનદીપિકા'