Book Title: Samji Gayo Chu Author(s): Ratnasundarsuri Publisher: Ratnasundarsuriji View full book textPage 4
________________ એક વાત તને જણાવું? શક્તિ પરનો પ્રેમ મનને સતત અશાંત અને તનાવમાં જ રાખે છે અને આ અશાંત અને તનાવમાં રહેતું મન ઘરમાં, સમાજમાં, રાજ્યમાં, રાષ્ટ્રમાં યાવતુ સંપૂર્ણ વિશ્વમાં અશાંતિ સર્જીને જ રહે છે. વિશ્વશાંતિ અંગે યોજાઈ ગયેલા સંખ્યાબંધ પરિસંવાદોમાંના એક પણ પરિસંવાદને હજી સુધી સફળતા મળી નથી એનું એક માત્ર કારણ આ જ છે, શક્તિ પરનો પ્રેમ ! તને ખાતરી સાથે કહું છું કે શક્તિ પરના પ્રેમનું સ્થાન જ્યારે પ્રેમની શક્તિ પરનો વિશ્વાસ લઈ લેશે ત્યારે વિશ્વશાંતિ એ માત્ર શબ્દનો જ વિષય ન રહેતાં અનુભૂતિનો વિષય બની રહેશે. એક વાત કાયમ આંખ સામે રાખજે કે દીવાસળી બીજાને તો પછી બાળે છે, પહેલાં પોતે જ બળે છે. શક્તિ અને એ ય પ્રેમરહિત શક્તિ બીજાને તો પછી નુકસાન કરે છે, જાતને નુકસાન સૌ પ્રથમ કરે છે. શક્તિ પર પ્રેમ તો બહુ કર્યો, હવે ‘પ્રેમને પ્રેમ કરી જો. એની શક્તિ અનુભવીને તું સ્તબ્ધ થઈ જઈશ.Page Navigation
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 ... 102
