________________
મહારાજ સાહેબ,
દુઃખ સાથે આપની પાસે કબૂલાત કરું છું કે જગતની દૃષ્ટિએ ભારે સફળ ગણાતો હું અંદરથી બિલકુલ ખોખલો થઈ ગયો છું. કોથળો ઊભો છે જરૂર પણ એમાં ઘઉં નથી, કાંકરા જ છે. ચહેરા પર ચમક દેખાય છે ખરી પણ અંતઃકરણ જાણે કે મરી જ ગયું છે. જીવન જીવવાનો ઉત્સાહ જાણે કે મરી પરવાર્યો જ છે. કારણ શું હશે આની પાછળ ?
પ્રેમ,
એક જ કારણ. તારી પાસે સંવેદના નથી, કેવળ વેદના જ છે. તારી પાસે સંબંધ નથી, કેવળ સંપર્ક જ છે. તારી પાસે સંતોષ નથી, કેવળ સામગ્રી જ છે.
તું પૂછીશ, ફરક શું છે સંવેદનામાં અને વેદનામાં? બહુ મોટો ફરક છે. અન્યનાં દુ:ખે વ્યથા અનુભવવી એ છે સંવેદના અને માત્ર પોતાનાં જ દુઃખે વ્યથા અનુભવવી એનું નામ છે વેદના !
૨૩
