________________
આવી સમ્યક સમજ કાં તો તારી પાસે છે નહીં અને કદાચ છે તો પણ કપાયોના પ્રાબલ્યના કારણે એવા સમયે એ સમજવું જો બાષ્પીભવન થઈ જાય છે તો પછી મનને સ્વસ્થ બનાવી દેવામાં સમયનો સહારો જ કામ લાગે છે. સમય જેમ જેમ પસાર થતો જાય છે, મન પર એ ઉપેક્ષાની અને વિશ્વાસઘાતની જે ગલત અસર ઊભી થઈ ગઈ હોય છે, આપોઆપ એનામાં કડાકો બોલાવા લાગે છે.
તને મારે એટલું જ કહેવું છે કે જો તું સમ્યક સમજનો સ્વામી નથી પણ બની શક્યો અને ગલત અનુભવો થયાને મહિનાઓ અને વરસો વીતી ગયા પછી પણ જો તું ગલત અનુભવોને ભૂલી નથી શક્યો અને એના કારણે મનને તું એ અસરથી આજે ય મુક્ત નથી કરી શક્યો તો તારું ભાવિ તો ભયંકર છે જ પણ વર્તમાનમાં પ્રસન્ન બન્યા રહેવું ય તારા માટે મુશ્કેલ છે. સાવધાન!
