Rajprashniya Sutra

Author(s): N V Vaidya
Publisher: Khadayata Book Depot

Page 222

२१९
तए णं तं सूरियाभं देवं चत्तारि य सामाणियसाहस्सीओ जाव सोलस आयरक्खदेवसाहस्सीओ अन्ने य बहवे सूरियाभ जाव देवीओ य अप्पेगइया देवा उप्पलहत्थगया जाव सयसहस्सपत्तहत्यगया सूरियाभं देवं पिटुओ २ समणुगच्छति । तए णं तं सूरियाभं देवं बहवे आभिओगिया देवा य देवीओ य अप्पेगइया कलसहत्थगया जाव अप्पेगइया धूवकडुच्छयहत्यगया हट्टतुट्ठ जाव मूरियाभं देवं पिट्ठओ समणुगच्छंति । तए णं से सूरिया देवे चउहिं सामाणियसाहस्सीहि जाव अन्नेहिं य बहूहि य मूरियाभ जाव देवेहि य देवीहि य सद्धिं संपरिवुडे सविडीए जाव णाइयरवेणं जेणेव सिद्धाययणे तेणेव उवागच्छइ २ सिद्धाययणं पुरथिमिल्लेणं दारेणं अणुपविसइ २ त्ता जेणेव देवच्छंदए जेणेव जिणपडिमाओ तेणेव उवागच्छइ २ जिणपडिमाणं आलोए पणामं करेइ २ लोमहत्थगं गिव्हइ २ जिणपडिमाणं लोमहत्थए पमज्जइ २ ता जिणपडिमाओ सुरभणा गंधोदएणं ण्हाणेइ २त्ता सरसेणं गोसीसचंदणेणं गायाई अणुलिपइ २त्ता सुरभिगंधकासाइएणं गायाई लूहेइ २ त्ता जिणपडिमाणं अहयाई देवदूसजूयलाई नियंसेइ २ ता पुप्फारहणं मल्लारुहणं गंधारुहणं चुण्णारुहणं वण्णारुहणं वत्थारुहणं आभरणारहणं करेइ २ त्ता आसत्तोसत्तविउलवट्टवग्धारियमल्लदामकलावं करेइ २ त्ता कयग्गहगहियकरयलपब्भविप्पमुक्केणं दसवण्णेणं कुसुमेणं मुक्कपुप्फपुंजोवयारकलियं करेइ २ ता जिणपडिमाणं पुरओ अच्छेहि सहेहिं रययामएहिं अच्छरसा