________________
શ્રીમન્ની અમૃત પ્રસાદી ૧૦. ત્રણ હાથનોંધો - અભ્યન્તર પરિણામ અવલોકન ઈત્યાદિ.
આ વિવિધ સામગ્રીઓ છે. સૌથી પહેલાં સોળ વર્ષ પહેલાંના સ્વતંત્ર પુસ્તકનો પરિચય કરીશું. ગ્રંથારંભમાં શ્રીમદ્જીએ લખેલી કાવ્યપંક્તિઓઃ
શાર્દૂલવિક્રીડિત વૃત્ત ગ્રન્થારંભ પ્રસંગ રંગ ભરવા કોડે કરું કામના, બોધું ધર્મદ મર્મ ભર્મ હરવા, છે અન્યથા કામના, ભાખું મોક્ષ સુબોધ ધર્મ ધનના, જોડે કશું કામના, એમાં તત્ત્વવિચાર સત્ત્વ સુખદા, પ્રેરો પ્રભુ કામના.
૧. પુષ્પમાળા ‘પુષ્પમાળા' એ શ્રીમદ્દનું સોળ વર્ષની ઉંમર પહેલાનું લખાણ છે. તેમાં સૂત્રાત્મક વાક્યોની શૈલીથી, તથા માળાની પેઠે નિત્ય આવર્તન કરી શકાય એ હેતુથી ૧૦૮ સુવાક્યો લખ્યાં છે. નવા ઊછરતા યુવાનોની કેળવણીમાં સાચી કેળવણીની જે ખામી છે તે દૂર કરી, તેમને અયોગ્ય વાચનમાંથી બચાવી, તેમને સન્માર્ગે દોરવાનું તેમાં પ્રયોજન છે. આ કૃતિ કોઈ સંપ્રદાયને અનુલક્ષીને નહીં પણ સર્વસાધારણ નૈતિક ધર્મ અને કર્તવ્યની દષ્ટિએ લખાયેલી છે. માળાના મણકાની જગ્યાએ ૧૦૮ નૈતિક પુષ્પોથી ગૂંથાયેલી છે. બધા મણકાઓ તો
સ્થળસંકોચને લઈને આપણે નહીં ફેરવી શકીએ પણ ખાસ ખાસ મણકાઓ નીચે આપીએ છીએ? ૧. રાત્રિ વ્યતિક્રમી ગઈ, પ્રભાત થયું, નિદ્રાથી મુકત થયા,
