Paryushana Kalpsutram

Author(s): Kesharmuni, Buddhisagar Gani
Publisher: Jinduttsuri Gyanbhandar

Page 12

www.kobasrth.org
आहारादिकं न कल्पते इति वृद्धाम्नायः । तृण-डगल-भस्म-मल्लक-पीठफलक-शय्या-संस्तारक-लेपादिवस्तूनां सोपधिकशिष्यस्य च ग्रहणं तु कल्पते, बाह्यपरिभोगत्वेन तेषां भगवताऽनुज्ञातत्वात् ३।। __ "रायपिंड"त्ति राजपिण्डः, तत्र राजा-छत्रधरःसेनापति-पुरोहित-श्रेष्ठ्य-मात्य-सार्थवाहरूपैः पञ्चभिलक्षणैर्युतो मूर्दाभिषिक्तस्तस्य अशनादिचतुर्विध आहारो वस्त्रं पात्रं कंबलं रजोहरणं चेत्यष्टविधः पिण्ड आद्यन्तिमजिनतीर्थे सर्वसाधूनां न कल्पते, निर्गच्छदागच्छत्सामन्तादिभिःखाध्यायस्य अपशकुनवुझ्या शरीरादेश्च व्याघातसम्भवात्खाद्यलोभ-लघुत्व-निन्दादिबहुदोषसम्भवाच्च, मध्यमजिनतीर्थसाधूनां तु ऋजुप्राज्ञत्वेन पूर्वोक्तदोषाभावे कल्पते, दोषसद्भावे नापि कल्पत इति ४।।
"किइकम्म"त्ति कृतिकर्म-वन्दनकं, तच्च द्विधा-अभ्युत्थानं द्वादशावर्त च। द्विविधमपीदं यथायोग्यमुभयसन्ध्यं सर्वजिनतीर्थेषु सर्वैरपि साधुभिः साध्वीभिश्च यथाज्येष्ठानुक्रमेण नित्यं कर्त्तव्यं, किमुक्तं ?, लघुसाधुना ज्येष्ठो| वन्दनीयः, साध्व्या तु शतवर्षदीक्षितयाऽप्यद्यदीक्षितः साधुर्वन्दनीय एव, पुरुषज्येष्ठो हि धर्म इति हेतोः ५।
१ "तणडगलछारमल्लग-सिज्जासंथारपीढलेवाई । सिजायरपिंडो सो, न होइ सेहो य सोवहिओ॥१॥" २ "असणाईण चउकं, वत्थ-पत्त-कंबल-पायपुंछणयं । निवपिंडम्मि न कप्पड, पुरिमंतिमजिणजईणं तु॥१॥"
३ एतेन श्राद्धैरपि न वन्द्या साध्वीति न श्रद्धेयम् , श्रावधर्माच्छ्मणधर्मस्य प्रधानतमत्वात् , खखधर्मेष्वेव पुरुषज्येष्ठो धर्म, अतः श्राद्धधर्माभिवतः श्राद्धः श्राद्धीषु ज्येष्ठत्वं भजते, न तु श्रमणधर्मान्वितासु श्रमणीषु, किञ्च-साधुवदेव साध्वीनामपि सुखपृच्छादिकं विधेयं श्राद्धरित्युक्तं श्राद्धविधावियलम् ।