Parsuram Kalpasutra Part 02

Author(s): A Mahadev Shastri
Publisher: Central Library

Page 240

अनवस्थोल्लासः सप्तमः-साधारणक्रमः
२१९ स्नात्वेति मध्याहस्त्रानोत्तरमानयने निषेधः । निर्गन्धेष्वपि केषां चिदुपादानमुक्तं स्वच्छन्दसारे
निर्गन्धपुष्पजातीषु पलाशकुसुमैरपि ।
जपाबन्धूकपुप्पैश्च मन्दारैरपि पूजयेत् ॥ इति ॥ पुष्पसारसुधानिधौ
पुष्पं वस्त्रे न बध्नीयात् शिरसा न वहेद्बुधः ।
नयेत् पत्रपुटेनैव पाणिनाऽऽलम्ब्य वाग्यतः ॥ आश्वलायन:-- नाग्निना सह पुप्पं वा जलं चान्नं न चानयेत् ।
जलामिगन्धपुष्पान्नं न मूर्भोऽसेन वाहयेत् ॥ ग्रन्थान्तरे--
देहोपरि धृतं यच्चाप्यधोवस्त्रधृतं च यत् । वामहस्ते धृतं यच्च जलेन क्षाळितं च यत् ॥ देवतास्तन्न गृह्णन्ति पुष्पं निर्माल्यतां गतम् । समित्पुष्पकुशादीनि वहन्तं नाभिवादयेत् ॥ तद्धारी चैव नान्यान् हि निर्माल्यं तत् भवेत्तयोः । शुष्कं पर्युषितं कृष्णं भूमिगं नार्पयेत् सुमम् ॥ चम्पकं कमलं त्यक्त्वा कलिकामपि वर्जयेत् ॥ इति ॥
. सर्वदेवतासाधारणानि विहितानि च भविष्यपुराणे
जातीशमीकुशाः कङ्कुमल्लिकाकरवीरजम् । नागपुन्नागकाशोकरक्तनीलोत्पलानि च ॥ चम्पकं वकुळं चैव पद्मं बिल्वं पवित्रकम् । एतानि सर्वदेवानां विहितानि समानि च ॥