Panchastikay Part 02

Author(s): Kamalchand Sogani, Shakuntala Jain
Publisher: Apbhramsa Sahitya Academy

Page 67

132. सुहपरिणामो पुण्णं असुहो पावं ति हवदि जीवस्स।
दोण्हं पोग्गलमेत्तो भावो कम्मत्तणं पत्तो।
133. जम्हा कम्मस्स फलं विसयं फासेहिं भुंजदे णियदं।
जीवेण सुहं दुक्खं तम्हा कम्माणि मुत्ताणि।।
134. मुत्तो फासदि मुत्तं मुत्तो मुत्तेण बंधमणुहवदि। . • जीवो मुत्तिविरहिदो गाहदि ते तेहिं उग्गहदि।।
135. रागो जस्स पसत्थो अणुकंपासंसिदो य परिणामो।
चित्ते णत्थि कलुस्सं पुण्णं जीवस्स आसवदि।।
136. अरहंतसिद्धसाहसु भत्ती धम्मम्मि जा या खलु चेट्ठा।
अणुगमणं पि गुरूणं पसत्थरागो त्ति वुच्चंति।।
137. तिसिदं बुभुक्खिदं वा दुहिदं दट्टण जो दु दुहिदमणो।
पडिवज्जदि तं किवया तस्सेसा होदि अणुकंपा।।
138. कोधो व जदा माणो माया लोभो व चित्तमासेज्ज।
जीवस्स कुणदि खोहं कलुसो त्ति य तं बुधा बेंति।।
139. चरिया पमादबहुला कालुस्सं लोलदा य विसयेसु।
परपरितावपवादो पावस्स य आसवं कुणदि।।
140. सण्णाओ य तिलेस्सा इंदियवसदा य अमृद्दाणि।
णाणं च दुप्पउत्तं मोहो पावप्पदा होति।।
(60)
पंचास्तिकाय (खण्ड-2) नवपदार्थ-अधिकार