Nyayadarshanasya Nyayabhashyam

Author(s): Vatsyayan
Publisher: Manilal Iccharam Desai

Page 491

460 न्यायभाष्यप्रसन्नपदा। न्यायाचार्यम् , प्रत्यभात= बुद्धिविषयता प्राप्तः, भाष्यजासम्= भाष्यात्मकवाक्यजातम्, अवर्तयन प्रावर्तयत्= अररचदित्यर्थः, स्पष्टमन्यत्, इतिशम् // 24 // // इति निग्रहस्थाननिरूपणप्रकरणं समाप्तम् // लेखसौष्ठवहीनस्याऽप्रसिद्धस्य विशेषतः / न्यायभाष्यस्य टीकेयं तोषयिष्यति किं बुधान् ? // 1 // श्रीमद्गुरुमुखाज्ज्ञातन्यायभाष्यार्थसंचयः / श्रीप्रसन्नपदानाम्ना कृतो मूलार्थकाङ्किणे // 2 // मूलान्वये विशेषेण संरम्भो विस्तरभिया / लिश्यन्ति मूलवाक्यार्थे यतश्छात्रगणा भृशम् // 3 // काश्यां रसाश्वनन्देन्दु (1976) विक्रमाङ्कसुवत्सरे / श्रीप्रसन्नपदा व्याख्या रचिता सूत्रभाष्ययोः॥४॥ अस्याः प्रकाशनात् (कर्तरि) क्लेशो योनुभूतो मया महान् / तं न वक्तुं समर्थोस्मि वक्रा कालगतिऔसौ॥५॥ श्रीभाष्यस्य सुदीर्घस्य श्रीमती रचिता मया। विशिष्टाद्वैतवृत्तिश्च सूत्रमूलार्थबोधिका // 6 // __ भगवद्गीतभाष्यं च श्रीभाष्यनयमालिका (विशिष्टाद्वैताधिकरणमाला)। श्रीशास्त्रदीपिकाटीका प्रकाशाख्या प्रकाशिता // 7 // छात्राणामुपकाराय द्वावाऽऽदशौँ प्रकाशितौ / एको व्युत्पत्तिवादस्य शक्तिवादस्य चापरः // 8 // अलिविलासिसंलापे श्रीमद्गुरुविनिर्मिते। गुरूणामाज्ञया टीका (प्रकाशाख्या) रचिता तैश्च संमता // 9 // न्यायदर्शनटीकेयं श्रीप्रसन्नपदाऽधुना / रचिता क्लेशभारेण गुरुपत्कृपया मया // 10 // . कृपया पादपद्मस्य श्रीगङ्गाधरशास्त्रिणाम् / मया विरचिता तावद् ग्रन्थानां पञ्चविंशतिः // 11 // . . अनेकग्रन्थनिर्माणश्रमसंदोहधर्षितम् / शरीरं शीर्णतां प्राप्तमेतद् व्यसनदुष्फलम् // 12 // वन्दे श्रीमद्हयग्रीवं मन्देभ्यः करुणानिधिम् / विद्यागुरुं मुहुर्वन्दे श्रीगङ्गाधरशास्त्रिणम् // 13 // यः सांख्ये कपिल: पतञ्जलिरलं शाब्दे कवित्वे परं श्रीहर्षोऽद्वयदर्शने शिवतनुस्तकेंषु यो गौतमः / मीमांसामतजैमिनिर्धवमुपाध्यायो महद्भ्यो महान स्याऽऽईईपदभृद् गुरुर्विजयते शास्त्रीस गङ्गाधरः॥१४॥ संगीतज्ञानदं नौम्यऽमृतसेनं गुरुं मुहुः / रचितं यत्कृपालेशात् श्रीसंगीतसुदर्शनम् // 15 // अनेकग्रन्थटीकानां निर्माणश्रममत्र मे / विस्मरिष्यन्ति नो छात्रा विश्वासोयं दृढोस्ति मे // 16 // : एषां मदीयग्रन्थानां मुद्रणायोत्तरोत्तरम् / यत्नो विधेयः सच्छात्रैर्मम मृत्योरनन्तरम् // 17 // छात्राः शृणुत मे वाचं सत्यमेव ब्रवीमि यत् / भवतामुपकाराय मया ग्रन्था विनिर्मिता // 18 // अलं वाग्विस्तरेणात्र वागन्तो न विद्यते / श्रीप्रसन्नपदामेनां दद्यादृष्ट्या विलोक्यताम् // 19 // मादृशाल्पमतेस्तावत् का वार्ता ग्रन्थसंततेः / लोके किमस्ति यत् प्राज्ञैः कोपदृष्ट्या न गर्हितम् // 20 // ॥ओं नमो भगवते श्रीहयग्रीवाय // ॥इति पञ्चनदीयपण्डितसुदर्शनाचार्यशास्त्रिप्रणीता न्यायभाष्यस्य तत्सूत्राणां च प्रसन्नपदाख्या व्याख्या समाप्ता॥