Nandanvan Kalpataru 2002 00 SrNo 08

Author(s): Kirtitrai
Publisher: Jain Granth Prakashan Samiti

Page 121

More
संवेगमंजरीकलयं
E
विभागः
-- मुनिकल्याणकीर्तिविजयः मोहमूढस्स जीवस्स रागपरवसत्तणं, तप्पडियाररूवस्स य पसत्थरागस्स सयलसोक्खकारणत्तणं गाहाजुयलेण निरूवेइ सत्थयारमहरिसी -
राईइ अंधयारे विदूर-देसट्ठियस्स लीलाए। जह रागवसेण फुडं पिअस्स निव्वन्नसे रूवं
॥२०॥ तह जइ कया वि कहमवि कहिं पि ईसिं पि परमपुरिसाणं।
मुहकमलं पिच्छसि लहसि नूण ता सयल-सुक्खाई ॥२१॥ अन्वयः (रे मूढ !) जह रागवसेण (तं) राईइ अंधयारे विदूरदेसट्ठियस्स (वि) पिअस्स रूवं फुडं (तहा) लीलाए निव्वन्नसे, तह जइ कया वि कहमवि कहिं पि परमपुरिसाणं मुहकमलं ईसिं पि पिच्छसि ता नूण सयलसुक्खाई लहसि। भावार्थः रे मूढ ! तं रागरज्जूहिं तहा निबद्धो सि जहा तओ न कहमवि छुट्टेउं पारेसि । तह वि तुज्झ एयं बंधणं चेव अईव पियं । अस्स नियंसणं पि एत्थ अत्थि । जहा - तं राईइ वेलाए तारिसे वि गाढे अंधयारे कहिं पि दूरदेसंमि ठियस्स निययपिययणस्स रूवं सरूवं च फुडं चेव लीलाए निव्वत्रस्से, जहा "एसा सा चेव, जओ एरिसी आगिई एरिसी य तणुलया तीसे चेव हवेज्ज ।" तओ एवं तीए रूवदंसणेण अईव हिट्ठो तं चित्तंमि सुहं पि पावेसि। किं तु किं तए कइया वि सयलासुहदुहविणासकराणं सयलसमीहिय-सिद्धिकारयाणं परमपुरिसाणं जिणेसराणं मुहकमलं दिटुं ? जइ न दिलु ता नूणं तुमाओ वि अहन्नो अण्णो न को वि अत्थि एत्थ जयंमि । जओ जइ तं कया वि कहमवि कहिं पि ईसि पि तेसिं जिणरायाणं परमेसराणं वयणारविंदं अणिच्छाए वि पेच्छिस्ससे ता नूणं सयलाई वि सुक्खाइं तुज्झ चरणपडियाइं चेव । तहा जयस्स सयला वि लच्छी तुज्झ गिहे आवेउं ऊसुया चेव ।
१०८