Kuvalaymala Part 03

Author(s): Chandraguptasuri
Publisher: Anekant Prakashan Jain Religious Trust

Page 4

(३०२)
(३०२) इमं च सोऊणं दंसिउं पयत्तो उवज्झाओ । कुमार,
एयं पि मए लिहियं पेच्छसु सुविभत्त-रूव-सविभायं । 5 काणं पि दोण्ह चरियं भवंतरे आसि जं वत्तं ।।
एसा चंप त्ति पुरी लिहिया धण-रयण-कणय-सुसमिद्धा । दीसंति जीय एए पासाया रयण-पोंगिल्ला ।। दीसइ णायर-लोओ रयणालंकार-भूसिओ रम्मो । दीसइ य विवणि-मग्गो बहु-धण-संवाह-रमणिज्जो ।। एसो वि तत्थ राया महारहो णाम पणइ-दाण-परो । अच्छइ तं पालेंतो लिहिओ से मंदिरो एत्थ ।। एत्थ य महामहप्पा धणदत्तो णाम बहु-धणो वणिओ । देवी य तस्स भज्जा देवि व्व विलास-रूवेण ।। ताणं च दोण्ह पुत्ता दुवे वि जाया मणोरह-सएहिं । ताणं चिय णामाई दोण्ह वि कुलमित्त-धणमित्ता ।। ताणं जायाणं चिय णिहणं से पाविओ पिया सहसा ।
अत्थं सव्वं चिय से परिगयमाणं गयं णिहणं ।। णिज्झीण-विहव-सारा परिवियलिय-सयल-लोय-वावारा । परिहीण-परियणा ते दोग्गच्चं पाविया वणिया ।। एक्का ताणं माया अवरो से ताण णत्थि बंधुयणो । अकय-विवाहा दोण्णि वि कमेण अह जोव्वणं पत्ता ।। भणिया ते जणणीए पुत्त मए बाल-भाव-मुद्धयरा । तुम्हे जीवावियया दुक्खिय-कम्मा काऊण ।। एण्डिं जोव्वण-पत्ता सत्ता दाऊण मज्झ आहारं ।
1) J उअज्झाओ. 2) P एवं मि मए, J पेच्छअ for पेच्छसु, J रूवयविभायं. 3) P ताणं for काणं, J हवंतरे for भवंतरे. 5) P रयणवोंगिल्ला. 6) J adds वर before रयणा०. 7) J विमणि. 8) P एत्थ for तत्थ. 9) P पालंतो, P लिहिओ मे मंदिरे. 10) J धणमित्तो णाम बहुधणो धणिओ. 12) J om. च, J दोण्हं, P inter. 13) धणमित्त and कुलमित्त (त्ता). 14) P णिहणं स पिया सहसा. 15) J परिगमाणं. 16) P निज्जीण. 17) P दोगच्चं. 18) P एक्काण ताण माया. 19) P वियाहा. 21) P वियाय for वियया. 22) J सद्दा for सत्ता.