Kalpasutrartha Prabodhini

Author(s): Rajendrasuri
Publisher: Rajendra Pravachan Karyalay Khudala

Page 7

(४)
भीकल्पसूत्रार्थप्रबोधिनी. ___(१) प्रगे सप्ततः समारभ्य साधैंकादशवादनान्तम्, मध्याह्ने चैकतः सार्धचतुर्वादनपर्यन्तमेवैतद्वाचनवेला शास्त्रसम्मता विद्यते । अत एनामकाले जात्वपि नैव वाचयेत् ।
(२) अमुष्या वाचने सति समयप्राचुर्ये साकल्येनैव श्रावणीयम् । तदल्पत्वे लवक्षरीयतत्तदधिकाराऽश्रावणेऽपि न क्षतिः ।
(३) प्रत्यब्दं पर्युषणमहापर्वणि माङ्गलिकत्वादेतच्छ्रवणश्रावण विधिर्जागर्ति नितराम् , अत एतदारभ्य मध्ये जात्वपि न जह्यात्, तथासत्यनिष्टं स्यात् ।
(४) वाचकेनापि निजाऽऽसनादुच्चासनोपरिष्टादेतन्निधाय मुखाग्रे च मुखवत्रिका ध्रियमाणेनैव श्रावयितव्यमेतत् । एवं श्रावकैः श्राविकाभिश्चापि प्रमादादिराहित्येनाऽनारतं परया सद्भक्त्या बहुमान-पूजन-प्रभावन-यथाशक्तितपासमाराधनपुरस्सरमव. हितेन चित्तेनैवाऽऽद्यन्तमेतच्छ्रोतव्यम् ।
(५) "खमियव्वं, खमावियव्वं । उपसमियव्वं, उवसामियव्यं । सुमइसंपुच्छणा बहुलेणं होयव्वं । जो उवसमइ तस्स अत्थि आराहणा, जो न उवसमइ तस्स नत्थि श्राराहणा । तम्हा अप्पणा चेव उपसमियव्यं ।" इत्याहत्या गिरा समुज्झितकलहद्वेषादिकाः शान्त्यैतन्महापर्वकल्पसूत्रयोराराधनं कर्तुं कारयितुञ्चाऽर्हन्ति ।
मनाप्रमादात्स्वलतिर्ममाऽभूदज्ञानयोगादिह जातुचिच्चेत् । विशोधयन्तस्तदमत्सरत्वाद, गुणानुमोदं प्रथयन्तु सर्वे ॥ १ ॥
१९५४ विक्रमवत्सरे कार्तिकशुक्लपञ्चम्याम् ।
-श्रीमद्विजयराजेन्द्रसूरिः ।
रतलाम ( मालवा )
।