Jambudwip Samas

Author(s): Kunvarji Anandji
Publisher: Jain Dharm Prasarak Sabha

Page 68

[५] जड़ परगुणगहणेण वि, गुणवंतो होसि इत्तिएणावि । ता किं न करेसि तुमं, परगुणगहणं पि रे पाव ! ? ॥ १४ ॥ जिणवयणअंजणेणं, मच्छरतिमिराई किं न अवणेसि ? । अञ्ज वि जम्मि वि तम्मि वि, मच्छरतिमिरंधलो भमिसि ॥१५॥ जेहिं दोसेहिं अन्ने, दूससि गुणगबिओ तुमं मूढ ! । ते विहु दोसट्ठाणे, किं न चयसि ? पाव ! धिट्टो सि ॥१६॥ उवसमसुहारसेणं, सुसीअलो किं न चिट्ठसि सयावि ? । किं जीव ! कमायग्गी-पतीतदेहो सुहं लहसि ? ॥१७॥ झाणे झीणकसाए, आरद्धे किं न जीव ! सिज्झिज्जा । आकेवलनाणं इह, ता झाणं कुणसु सन्नाणं ॥१८॥ जह जह कसायविगमो, तह तह सज्झाणपगरिसं जाण । जह जह झाणविसोही, तह तह कम्मक्खओ होइ ॥ १९ ।। सज्झाणपसायाओ, सारीरं माणसं सुहं विउलं । अणुहविअ कहं छड्डसि, जं सुहगिध्धो सि रे जीव ! ॥२०॥ किं केवलो न चिट्ठसि, विहुणिअ चिरकालबंधसंबंधं । कम्मपरमाणुरेणूं, सज्झायपयंडपवणेणं? ॥२१॥ बुज्झसु रे जीव ! तुमं, मा मुज्झसु जिणमयं पि नाऊणं । जम्हा पुणरवि एसा, सामग्गी दुल्लहा जीव ! ॥२२॥ जइ कहमवि जीव ! तुमं, जिणधम्मं हारिऊण पडिवडिओ। पच्छाणंतेणावि हु, कालेणं वि जीव ! जिणधम्मं ॥ २३ ॥