Jambudwip Samas

Author(s): Kunvarji Anandji
Publisher: Jain Dharm Prasarak Sabha

Page 82

[७] सुत्तत्थपोरिसिपरो, जुत्तो य समत्तजीयकप्पेहिं । मासंकप्पेण कया, विहरिस्सं उज्जुयविहारो? ॥१८॥ परपरिवायविरत्तो, समचित्तो सत्तुमित्तसत्तेसु । कइया विगहारहिओ, सज्झायपरो भविस्सामि ? ॥१९॥ विलसंतअजणगुणे, सुकुसुमबाणासणे फुरियकरुणे । विहरिस्सं धम्मवणे, बहुमयदमणे अहं कइया ? ॥२०॥ कइआ विमलासोए, परागसुमणसवसेण कयमोए । धम्मारामे रम्मे, पयडियसम्मे रमिस्सामि ॥२१॥ भयभेरवनिकंपो, सुसाणमाईसु विहियउस्सग्गो । तवतणुअंगो कइया, उत्तमचरियं चरिस्सामि? ॥२२॥ तवसुत्तसत्तपभिई-भावणजुत्तो कया पढियपुवो । पडिमापडिवत्तिधरो, परमत्थपयं पसाहिस्सं ? ॥ २३ ॥ चउहा दिवाइकयं, हासपोसाइभेयपडिभिन्नं । उग्गउवसग्गवग्गं, अभग्गचित्तो सहिस्सामि ? ॥२४॥ पाणपहाणपरम्मि वि, परम्मि परिभाविऊण परमत्थं । वावारिस्सं कइया, करुणाभरमंथरं दिहिं ? ॥२५॥ परिचियकप्पाकप्पो, कइया हं थेरकप्पनिम्माओ । जिणकप्पपडिमकप्पे, अवियप्पमणो पवजिस्सं ? ॥ २६ ॥
१ सामन्नकप्पेण.