________________
५६
जैन पदसग्रह
जमै पानी पोखरा, थरहरै सबकी काय ॥ तब नगन निवसैं चौहदैं, अथवा नदकि तीर । ते साधु मेरे मन वसो, मेरी हरो पातक पीर ॥ ७ ॥ कर जोर भूधर बीनवै, कब मिलें वह मुनिराज । यह आस मनकी कब फलै, मेरे सरें सगरे काज ॥ संसार विषम विदेशमें, जे विना कारण वीर । ते साधु मेरे मन वसो, मेरी हरो पातक पीर ॥ ८ ॥
1
७४. विनती ।
( चौपाई १६ मात्रा | )
जै जगपूज परमगुरु नामी, पतित उधारन अंतरजामी । दास दुखी तुम अति उपगारी, सुनिये प्रभु ! अरदास हमारी ॥ १ ॥ यह भव घोर समुद्र महा है, भूधर भ्रम - जल-पूर रहा है । अंतर दुख दुःसह बहुतेरे, ते बड़वानल साहिब मेरे ॥ २ ॥ जनम जरा गद मरन जहां है, ये ही प्रबल तरंग तहां है । आवत विपति नदीगन जायें, मोह महान मगर इक तामें ॥ ३ ॥ तिस मुख जीव परयो दुख पावै, हे जिन ! तुम विन कौन छुड़ावै ।
१ चौपटमैदान । २ सिद्ध होवें । ३ सब |
L
