Book Title: Jain Shwetambar Conference Herald 1917 Book 13
Author(s): Mohanlal Dalichand Desai
Publisher: Jain Shwetambar Conference
View full book text
________________
૬ વિશુદ્ધાની વિશ્વસેવા. - લેખક–રા. કૈવલ્ય.
.
પ્રકરણ પહેલું.
આકસ્મિક મુલાકાત. ભવ્ય લંડન શહેરના વિશાળ અને રમણીય “હાઇડ પાર્કમાં એક વલ્લરીતિ ગ્રીષ્મગુહનાં બાંક ઉપર લડાઈમાં ઘાયલ થયેલા એક શીખ સરદાર પિતાની બાજુમાં બેઠેલી હિંદી નર્સ સાથે રસભરી વાતમાં ગુંથાયો હતો. “માની પ્રખ્યાત લડાઇ કે જેમાં મિત્રરાજ્યોએ દુશ્મનને મારી હઠાવ્યા હતા તેમાં આ શીખ સરદાર ભયંકર રીતે જખમી થયા હતો અને પ્રથમ તે તેની બચવાની આશા પણ નહોતી. “શેલમાંથી ઉડેલી ગોળીઓથી તેનું માથું અને મોટું વિધાઈ ગયું હતું પરંતુ સદ્દભાગ્યે હેની આંખેને જરાપણુ આંચ આવી હેતી. હવે હેને સારી રીતે આરામ થયો હતો તોપણ માથામાંના ઘા હજુ રૂઝાયા નહોતા અને બે સ્થળે પાટા બાંધેલા હતા. પાસે બેઠેલી નર્સ હેની સાથે ખુશ વાર્તાલાપ કરી હેને વેદનાથી વિમુક્ત કરવા પ્રયત્ન કરતી હતી. એ સાંજનો સમય હતો, અને હાના ન્હાનાં વાદળાઓની સાથે યુદ્ધ કરતે હોય અને
તેમનાથી છુટા થવાને તરફડીયા મારતો હોય તેમ ઝાંખો અને પ્રકાશહીન સૂર્ય ઘડીમાં દેખાતો ઘડીમાં વાદળામાં ગુમ થઈ જતા હતા. વિશાળ બાગમાં ચોતરફ યુરોપિયન અને અન્ય દેશીય યુગલો-પુરૂષો સ્ત્રીઓ અને બાળકે વિધવિધ ફેશનનાં રંગબેરંગી વસ્ત્રથી સંજીત થઈ સ્વચ્છ અને સ્વતંત્રતાથી ફરતાં વિહરતાં અને રમુજ કરતાં હતાં.
આ સમયે જે ગ્રીષ્મગૃહમાં શોખ સરદાર અને હિંદી ન બેઠા હતા તે ગૃહમાં યુરોપીયન ડ્રેસમાં સજજ થયેલા બે હિંદી યુવકે દાખલ થયા; તેમાનો એક અતિશય થાકી ગયો હોય એમ દેખાતું હતું. તેને સહચર હેને ગ્રીષ્મગૃહની ગોઠવણ અને સંદર્યનું દર્શન કરાવવા વખતોવખત હેને હાથ ખેંચી આકર્ષક વસ્તુ તરફ ખેંચી જતો હતો. આ ઉપરથી સહજ લાગતું હતું કે થાકી ગયેલા યુવકને હાઈડપાર્ક જેવાને આ પહેલોજ પ્રસંગ હતે.
ફરતાં ફરતાં અને ચારેતરફ દષ્ટિ ફેરવી કુદરતની કૃતિ અને યુરોપીય મનુષ્યની બુદ્ધિના મિશ્રણનું આનંદે અવલોકન કરતા બન્ને યુવકે જ્યાં શીખ સરદાર અને હિંદી નર્સ બેઠા હતા તે જગ્યા પાસે આવી પહોંચ્યા. બન્ને યુવકો એક બીજાના હાથ પકડીને ચાલતા હતા પરંતુ થાકી ગયેલા યુવકની દષ્ટિ હિંદી નર્સ ઉપર જેવી પડી કે તુરતજ તેના સહચરના હાથમાંથી હેને હાથ સરકી ગયું અને હેના મોંમાંથી “કોણ! ભા-આ-આ-આ –” એવા શબ્દો મ્હોટેથી નીકળી પડ્યા. સરદાર અને નર્સ બેઠા હતા તે બાદ તેમને
