Jain Adarsh Prasango Part 13

Author(s): Bhadreshwarvijay
Publisher: Bhadreshwarvijay

Page 8

હોટલ આવતા કંડકટરે નીચે ઉતરી ડેકીમાંથી સામાન બહાર કાઢી મૂકી દીધો. ધીમે ધીમે પેસેન્જર બસમાંથી ઉતરતા હતા. તેવામાં આ તકનો લાભ લઈ ડેકીમાંથી કંડકટરે બહાર મૂકેલી અમારી નાની બેગ કોઈ લઈ ચાલતું થઈ ગયું. અમારી બેગ મળતી નથી તેવું ટ્રાવેલ્સના મેનેજરના ધ્યાન પર લાવ્યા. પણ તેમણે કહ્યું કે, “કોઈ આપણું જ પેસેન્જર ભૂલથી હોટલ પર લઈ ગયું હશે, હોટલ પર તપાસ કરજો. તમારી બેગ મળી જશે.’ હોટલ પર ગયા પછી બધા મિત્રોને પૂછ્યું પણ બેગ મળી નહીં. અમે એકદમ હતાશ થઈ ગયા. ટ્રાવેલ્સના મેનેજરે જે લકઝરી બસ મલેશિયા મૂકવા આવી હતી તેના ડ્રાઈવર કંડકટરને ફોન કર્યો કે બસમાં તો બેગ રહી ગઈ નથી ને ! તેમણે બસ અને બસની ડેકીમાં ચેક કર્યું પણ બેગ મળી નહીં.
મારા પતિને અમદાવાદના શ્રી ધરણીધર પાર્શ્વનાથ દાદા પર ખૂબ જ શ્રદ્ધા છે. મને કોણ જાણે પણ અચાનક વિચાર આવ્યો અને મારા પતિને કહ્યું, “તમને શ્રી ધરણીધર પાર્શ્વનાથ પ્રભુ પ્રતિ ખૂબ જ શ્રદ્ધા છે, તો તમે એકવાર તેમને પ્રાર્થના કરી જુઓ કે આપણી બેગ પાછી આવી જાય.” મારા કહેવાથી તેમણે શ્રી ધરણીધર પાર્શ્વનાથ પ્રભુને મલેશિયામાં ગદ્ ગદ્દ કંઠે ભાવભરી પ્રાર્થના કરી.
બીજા દિવસે બસ આવી તેમાં અમે બેઠા. ત્યાં ટ્રાવેલ્સનો મેનેજર અમારી પાસે આવ્યો અને કહ્યું કે તમારી બેગ મળી ગઈ છે. જે લકઝરી બસ મુકવા આવી હતી તેના કંડકટરનો ફોન આવ્યો હતો કે એક નાની બેગ કોઈએ ચેક પોસ્ટ પર જમા કરાવી છે. આ સમાચાર મળતાં અમે સવારે વહેલા જઈ મલેશિયા ચેક-પોસ્ટ પરથી બેગ લઈ આવ્યા. અમે જોયું કે બેગ પર લગાવેલું નાનું તાળું | યુવાનીમાં વડીલની પૂછતાછ એટલે CBI Inquiry..]