________________
૩૩ ૨૦
એવામાં મને નવકાર મહામંત્ર ગણવાનું સૂઝયું. મેં બધાને કહ્યું કે, “નવકાર મંત્રનું રટણ ચાલુ કરો.' થોડીક વારમાં તો બીજી ગાડી આવતા જોઈ. તેને રોકીને પૂછપરછ કરી. તેણે માર્ગ બતાવ્યો. ફરીથી અમે રસ્તો બદલીને જયાં અમારું કોટેજ હતું, ત્યાં પહોંચ્યા પણ મુશ્કેલી અમારો પીછો છોડે તેમ ન હતી, ત્યાં તાળુ હતું, ત્યાં એવી વ્યવસ્થા હતી કે જયારે તમે કોટેજ બુક કરાવો ત્યારે તમને કોટેજના તાળાનો કોડ નંબર આપી દે જેથી તે નંબર લગાવતા તાળું ખુલી જાય. અમારા કમનસીબે એ કોડ નંબર જ અમે ભૂલી ગયા. રાતના સમયે ફોન કરીને પણ કોડ નંબર પૂછાય તેમ ન હોવાથી અમે ફરી મુંઝાઈ ગયા. એક બાજુ ડર, બીજી બાજુ ઠંડી, ત્રીજી બાજુ ગાઢ અંધકારમાં હાથ પણ ન દેખાય એવી પરિસ્થિતિ. ફરીથી નવકાર મંત્રના જાપ એકાગ્રતાથી ચાલુ કરીને જાપ કરતા કરતા ચાર એકડા (૧૧૧૧) નંબર લગાવ્યો અને નવકાર મંત્રના ચમત્કારથી તાળું તરત ખુલી ગયું. અમે બધા અંદર જઈ નવકાર મંત્રની વાતો કરતા કરતા સુઈ ગયા. બીજે દિવસે સવારે કોડ નંબર જાણવા ફોન કર્યો ત્યારે ટુર્સવાળાએ કોઈ બીજો જ નંબર (૨૪૫૬) આપ્યો. ત્યારે અમે કહ્યું કે અમે તો ૧૧૧૧ નંબરથી તાળું ખોલ્યું, તો એ અમેરિકન માનવા જ તૈયાર ન થયો. પછી અમે બધી વાત કરી ત્યારે એ પણ અહોભાવથી ઝૂકી ગયો. હવે ૨૪૫૬ના બદલે ૧૧૧૧ નંબર લગાવવાથી તાળું ખૂલે ખરું ? કહેવાયું છે કે આપત્તિ ચાહે દુનિયાની ગમે તે હોય પણ, ચાવીની માસ્ટર કી એટલે જપો નવકાર... જપો નવકાર....
લગ્ન પૂર્વેદીલની વાતો, લગ્ન બાદ દિમાગની વાતો?
