________________
નવી નવી પરણેલી મારા ભોળપણના કારણે, મારી સાચી સમજણ શક્તિના અભાવે મેં મારા સાસુને કહ્યું, તેના બીજા જ દિવસથી આ ૧ રૂપિયાનો ચમત્કાર બંધ થઈ ગયો. મને સાચી તો ત્યારે જ ખબર પડી કે જયારે મેં મારા પપ્પાને આ વાત કરી. મારા પપ્પાએ મને કહ્યું કે દાદાના તારા પર ચાર હાથ છે. અને તારી સાચી શ્રદ્ધા અને દાદા પ્રત્યેની પ્રીતિને કારણે જ તને આ ચમત્કાર થતો હતો. પરંતુ તે જાણી ના શકી અને આ ચમત્કાર તો તે તારા સાસુને કહી દીધો, ત્યારથી આ ચમત્કાર બંધ થઈ ગયો.
મારા પપ્પાએ કહ્યું કે, “તારા જેવું જ આપણા મૂળ ગામ લખતરના પૂજારીને પણ અનુભવવા મળ્યું હતું. પૂજારી જેવા દહેરાસરના દ્વાર વહેલી સવારે ખોલે કે રોજ પૂજારીને ૧ શ્રીફળ અને ૧ ચાંદીનો સિક્કો મળતો હતો. થોડો સમય આ ક્રમ ચાલ્યો અને થોડા દિવસ પછી પૂજારીએ ટ્રસ્ટીઓને આ વાત કરી અને શ્રીફળ અને ચાંદીના સિક્કા બતાવ્યા. બીજે દિવસે પૂજારી દહેરાસરજીના દ્વાર ખોલવા આવ્યા પણ કશું ના મળે. કેમકે પૂજારીએ બીજા લોકોને પોતાને થયેલા ચમત્કારની વાત જણાવી હતી. પપ્પાએ કહ્યું કે, “કયારેય પણ બીજાને આવા સરસ ચમત્કારની વાત ન કરવી. ગંભીરતા ખૂબ જરૂરી ગુણ છે.” આજે પણ એ નીકળેલા રૂપિયા મેં સાચવીને રાખ્યા છે.
૨૧. જીવદયા ધર્મસાર “એ ભાઈ ! આ કૂકડાને છોડી દે! આમ પાંખથી પકડીને તો મારી નાખીશ.”મોક્ષિત નામના નવયુવાને મહેસાણા હાઈવે પર બૂમ મારી.
સદ્ગ નો લાફો સટાકા
