________________
ઉપધાન કરે છે. એને તકલીફ ન પડે.” પૂ. શ્રી એ સાધ્વીજી સંવેગનિધિશ્રી મને બોલાવી સાચવવાની ભલામણ કરી. જિનવાણી શ્રવણ, પ્રભુની ફરમાવેલી ઉપધાનની પવિત્ર ક્રિયાઓ વગેરેના અચિંત્ય પ્રભાવે આ કન્યાનો ધર્મ પ્રત્યે આદર વધતો ગયો !! થોડા દિવસો પછી ઘરેથી પોતાના ઉભટ વસ્ત્રો મંગાવી દાન કરી દીધા. એક જૈન કન્યાએ આવા કપડા પહેરાય જ નહીં એ એને નક્કી સમજાઈ ગયું હતું !
ઉપધાન પછી તેની રહેણી-કરણીથી ઘરના સમજી ગયા કે દિવ્યાનું હવે જીવન પરિવર્તન થઈ ગયું છે. તેણે ધર્મ આચરવા માંડયો. ક્યારેક સાધ્વીજી સાથે થોડા દિવસ રહી આરાધના વધારતી ગઈ. કોલેજમાં ભણવા જવાની ઈચ્છા મરી ગઈ. લગભગ ૨ વર્ષ પછી પિતાજીને દીક્ષા આપવા વિનંતી કરી !!! પ્રેમાળ પિતાશ્રીએ દીક્ષાની કઠિનતા વગેરે સમજાવ્યા. કોઈની સાથે લગ્નની ઈચ્છા હોય તો નિઃસંકોચ જણાવવા વાત્સલ્યતાથી કહ્યું.
પરંતુ દિવ્યાને હવે ધર્મની શ્રેષ્ઠતા સમજાઈ ચૂકી હતી. તેને લગ્ન કરવા જ ન હતા. પરંતુ બિલકુલ ધર્મ ન કરનારી કોડિલી કન્યા દીક્ષા લે એ પંકજભાઈને મનમાં બેસતું ન હતું. વળી એ પણ શંકા રહ્યા કરતી કે કદાચ આ ઉતાવળમાં દીક્ષા લઈ લે પણ સંયમના આચારો કડકત્યાં કદાચ સેટ ન થાય તો મારી લાડલી દીકરી દુઃખી થઈ જાય.
Jain Education International
For Personal & Private Use Only
www.jainelibrary.org
