________________
દસેક દિવસે શેઠે પ્રેરણા કરી કે કાલથી રોજ પ્રભુજીની પૂજા કરજે. તને હવેથી રોજ દલાલી પેટે રૂા. પ૦ આપીશ !! એક રૂપિયાના ફાંફા હતા એ રમેશને ખાલી પૂજા કરવાથી કાલથી પ૦ મળશે એ સાંભળીને ખૂબ આનંદ અને આશ્ચર્ય થયા ! ત્યારના ૫૦ એટલે આજના હજારથી પણ વધારે. જૈનોને ઉદારતાથી મોટી રકમ આપી દર્શન પૂજામાં જોડનારા એ શેઠનો કેવો ધર્મપ્રેમ અને ઉદારતા !!! રમેશે રોજ પૂજા કરવા માંડી. બાબુભાઈ દર કારતક પૂનમે શ્રી શત્રુંજયની યાત્રા સપરિવાર કરે. એક વાર શેઠ રમેશને આ શાશ્વત તીર્થની યાત્રા કરાવવાના શુભ ભાવથી સાથે લઈ ગયા ! શેઠ દર વર્ષે ચઢાવો બોલી પહેલી પૂજા કરતા. રમેશને પણ કરાવી. રમેશ ખુશ ખુશ થઈ ગયો. એમ પાંચ વર્ષ સળંગ શેઠે રમેશને પણ પહેલી પૂજા કરાવી.
એકવાર એક સામાન્ય દેખાતી વૃધ્ધા ઉછામણી ર૮૦૦૦ બોલી. કેટલાક ને શંકા પડી. તેણે શ્રાવકોને કહ્યું કે હું, ધર્મમાં રકમ રોકડીજ ચૂકવી દઉં છું. તમને શંકા પડતી હોય તો આ મારો હીરો લઈ જાવ. કિંમત કરાવી પાછો મને દાદાના દેરાસર ની બહાર આપજો.
ત્યાં આવેલા જૈન ઝવેરી એ ૮ લાખ રૂપિયાનું મૂલ્ય કહ્યું. શ્રાવકે હીરો ડોસીને દાદાના દરબારમાં આપ્યો. આ હીરા પર મારા પ્રભુની દૃષ્ટિ પડી. હવે દાદાને
Jain Education International
For Personal & Private Use Only
www.jainelibrary.org
