________________
શ્રાવકે સંઘપતિને આગ્રહ કર્યો કે મારા ઘરે પધારો. સંઘપતિ નગીનદાસભાઈએ કહ્યું કે સમય નથી. સંઘ ખોટી થાય છે. પણ શ્રાવકે અતિ આગ્રહ કરતાં કહ્યું કે ૨ મિનિટ માટે પણ આવવું જ પડશે. પૂર્વના અતિ શ્રીમંતો પણ દાક્ષિણ્ય ગુણવાળા હતા. સંઘપતિ એમની ભાવના પૂર્ણ કરવા ગયા. સંઘપતિને તે સામાન્ય શ્રાવકે દૂધ પીવા આપ્યું. પછી સંઘપતિ ગયા. વધેલું દૂધ અતિ શ્રધ્ધાથી તે શ્રાવકે પીધું ! ચમત્કાર થયો. શ્રાવકનો રોગ નાશ પામી ગયો. એ શ્રાવકને ઘણા વખતથી રોગ હતો કે ખાધેલું ટકે નહી. તેને શ્રધ્ધા કે જ્ઞાનીઓ સંઘપતિને તીર્થંકર પદવી પણ મળે એમ કહે છે. તેથી આ નગીનદાસભાઈનાં પીધેલા ગ્લાસ પ્રસાદી માની હું પીશ તો રોગ મટશે. ખરેખર મટી ગયો ! આદર-બહુમાનમાં આવા અદ્ભૂત ચમત્કાર સર્જવાની અચિંત્ય શક્તિ છે.
ખાસ મારે એ ધ્યાન દોરવું છે કે સંઘ અને સંઘવી નું શાસ્ત્રોમાં ઘણું મહત્ત્વ બતાવ્યું છે. ધનવાનો ધર્મમાં ધનનો સદ્વ્યય કરે તો તમને તે દાનવીરો પ્રત્યે આદર જાગે છે કે ઈર્ષ્યા, નિંદા ? કેટલાક લોકો દાતા ધર્મ પૈસાવાળાની નિંદા કરે છે. પણ ખરેખર તો એ શ્રીમંતોને દાન વગેરે ધર્મકાર્યોમાં જે ધર્મબુધ્ધિ હોય છે અને ધન પણ નીતિ પૂર્વક મેળવેલું હોય એ અનુમોદનીય છે. હે ધર્મપ્રેમીઓ ! મફતમાં મળતી આ અનુમોદનાનો લાભ ગુમાવી નિંદા વગેરે ના ખોટા પાપથી લાખો યોજન દૂર રહેવું.
४०
Jain Education International
For Personal & Private Use Only
www.jainelibrary.org
