________________
પર્યુષણ કરાવવા દર વર્ષે જાય છે. એ સંઘમાં પણ પોતે ધાર્મિક વસ્તુઓ વગેરેની ઘરે ઘરે પ્રભાવના કરે ! એક જ તમન્ના કે મારા પ્રભુનો ધર્મ કેમ બધાના ઘરમાં શરૂ થઈ જાય. ધર્મ માટે ધન પાણીની જેમ વાપરે ! પર્યુષણમાં સાથે જનારા પણ એમના દિલની ધર્મભાવના જોઈ ખુશ ખુશ થઈ જાય !
જ્ઞાનની પણ એમને જબરી તાલાવેલી. પ્રવચન શ્રવણ લગભગ કરે. સાંભળતા ભાવતું ભોજન કરતા હોય તેથી વધુ ખુશ થાય. સારા પુસ્તકો પણ વાંચે અને અનેક જૈનો વાંચી આત્મહિત કરે એવા પ્રયત્નો કર્યા કરે ! એ માટે પણ ઘણો પૈસો ખરચે !
ધર્મીઓની આરાધનાની વાતો જોઈ જાણી નાચે ! એ વાતો દિલથી અન્યોને કરતા ગદ્ગદ્ થઈ જાય !!! અત્યંત અનુમોદના કરે. વાતો કરતાં ધંધો, સંસાર, કામકાજ બધુ ભૂલી જાય, કોઈનું પણ દુઃખ જાણે કે તરત કાંઈક ને કાંઈક કરવા હૈયુ ઉછળે ! | તમને પણ આવા કોઈ ભાવધર્મી ભેટી જાય તો બે ઘડી સંસારને બાજુએ મૂકી દેજો. આ પણ આસ્વાદ જરૂર માણજો. કલ્યાણ થઈ જશે. આવા ધર્મીઓને તો શોધવા નીકળવું જોઈએ, અને પુણ્યોદયે મળી જાય તો ખૂબ લાભ લઈ લેવો જોઈએ. સમજી લેજ કે દુ:ખ બધા ભાગી જવાના અને સુખના સાગર આવી મળવાના ! આવા સાધુ અને શ્રાવકોનો સત્સંગ એ પણ જીવનનો લહાવો છે ! જરૂર લેજો. એમના દર્શનથી પણ જીવન ધન્ય બની જશે
૩૨
Jain Education International
For Personal & Private Use Only
www.jainelibrary.org
