________________
(૧૧.સામાયિકથી સૂરિ પદે !
પૂ. સ્વ. ગચ્છાધિપતિ શ્રી ભુવનભાનુસૂરીશ્વરજી મહારાજે (ત્યારે મુનિ ભાનુવિજય મ.) એક કિશોરને ઉપાશ્રયના ખૂણામાં સામાયિક કરતા જોયો. ખુશ થયા, પૂછ્યું. કિશોરે કહ્યું, “મહારાજ સાહેબ ! મારે થાય એટલા ઘણા સામાયિક કરવા છે !” વાત એ હતી કે શિબિરમાં વધુ સામાયિક કોણ કરે એની સ્પર્ધા હતી. આ રજનીને વધુ કરવાની ભાવના થઈ ગઈ. અજાણ્યો હતો - શુભ ભાવના જાણી યોગ્યતા પારખી લીધી! એને વાત્સલ્યપૂર્વક આરાધનામાં જોડતા ગયા.
આરાધના વધતા એ કિશોરને દીક્ષાની ભાવના થઈ ! ધામધૂમથી પરિવારે આપી ! અને એ બની ગયા પૂ. મુનિ રત્નસુંદરવિજય મ. સા. પછી તો આ હીરાને પૂ. શ્રીએ પાસા પાડવા માંડયા ! સ્વાધ્યાય આદિ સાધનામાં લગાવી દીધા. અને શ્રી જિનશાસનને એક મહાન શાસન પ્રભાવક આચાર્ય શ્રી વિજય રત્નસુંદરસૂરીશ્વરજી મ. સા. ની ભેટ ધરી દીધી !! પછી તો એમના પગલે એમના સંસારી પિતાશ્રી, બીજા સગા અને અનેક ભવ્યાત્મા સાધુ અને આરાધક શ્રાવક બની ગયા. આજે તો એ જિનશાસનની જબ્બર પ્રભાવના કરી રહ્યા છે !!! હે ધર્મરાગી શ્રાવકજી ! તમારા ઘરે કોઈ ભારે પુણ્ય આવો દીપક આવી ગયો હોય તો એને સાધુ કે શ્રાવક બનાવી એનું, તમારું અને અનેકનું કલ્યાણ કરશો ને?
" ૨૭
Jain Education International
For Personal & Private Use Only
www.jainelibrary.org
