Jagat KalyankarI Jain Dharm

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 14

ਉਨ੍ਹਾਂ ਨੇ ਜੂਨਾਗੜ੍ਹ ਦੇ ਬਾਹਰ ਹਜ਼ਾਰਾਂ ਪਸੂਆਂ ਨੂੰ ਬਾੜੇ ਵਿੱਚ ਰੋਂਦੇ ਕੁਰਲਾਉਂਦੇ ਵੇਖਿਆ। ਪਸੂਆਂ ਦੀ ਚੀਖ ਪੁਕਾਰ ਤੋਂ ਨੇਮੀ ਨਾਥ ਦਾ ਦਿੱਲ ਪਸੀਜ ਗਿਆ। ਉਨ੍ਹਾਂ ਅਪਣੇ ਸਾਰਥੀ ਤੋਂ ਪੁੱਛੀਆ, ਇਹ ਹਜ਼ਾਰਾਂ ਪਸੂ ਇੱਥੇ ਕਿਸ ਲਈ ਬੰਦ ਕੀਤੇ ਹੋਏ ਹਨ? ਸਾਰਥੀ ਨੇ ਦੱਸਿਆ ਤੁਹਾਡੀ ਸ਼ਾਦੀ ਸਮਾਰੋਹ ਵਿੱਚ ਹਜ਼ਾਰਾਂ ਖੱਤਰੀ ਮਹਿਮਾਨ ਆ ਰਹੇ ਹਨ ਉਨ੍ਹਾਂ ਦੇ ਭੋਜਨ ਦੇ ਲਈ ਇਹਨਾਂ ਪਸੂਆਂ ਨੂੰ ਕਤਲ ਕੀਤਾ ਜਾਵੇਗਾ। ਇਹ ਸੁਣ ਕੇ ਨੇਮੀ ਕੁਮਾਰ ਦਾ ਹਿਰਦਾ ਰਹਿਮ ਨਾਲ ਭਰ ਗਿਆ, “ਕਿ ਮੇਰੇ ਵਿਆਹ ਦੇ ਕਾਰਨ ਇਨ੍ਹਾਂ ਹਜ਼ਾਰਾਂ ਬੇ ਜਵਾਨ ਪਸੂਆਂ ਨੂੰ ਮਾਰਿਆ ਜਾਵੇਗਾ? ਨਹੀਂ! ਨਹੀਂ! ਇਨਾਂ ਮਾੜਾ ਕੰਮ ਨਹੀਂ ਹੋਣ ਦੇਵਾਂਗਾ। ਨੇਮੀ ਕੁਮਾਰ ਨੇ ਸਾਰਥੀ ਨੂੰ ਵਾਪਸ ਚੱਲਣ ਲਈ ਆਖਿਆ। ਉਸ ਸਮੇਂ ਸਮੁੰਦਰ ਵਿਜੈ (ਪਿਤਾ), ਵਾਸਦੇਵ ਸ਼੍ਰੀ ਕ੍ਰਿਸ਼ਨ ਨੇ ਉਨ੍ਹਾਂ ਨੂੰ ਬਹੁਤ ਰੋਕਿਆ, ਪਰ ਨੇਮੀ ਕੁਮਾਰ ਵਿਆਹ ਲਈ ਸਹਿਮਤ ਨਾ ਹੋਏ। ਉਨ੍ਹਾਂ ਦੇ ਸਾਹਮਣੇ ਇਹ ਮਹਾਨ ਨਿਸ਼ਾਨਾ ਸੀ, ਸਾਰੇ ਭਾਰਤ ਵਿੱਚੋਂ ਜੀਵ ਹਿੰਸਾ ਨੂੰ ਰੋਕਣਾ, ਮਾਸ ਭੋਜਨ ਨੂੰ ਰੋਕਣਾ, ਸ਼ਰਾਬ ਪੀਣ ਦੇ ਵਿਰੁੱਧ ਆਮ ਲੋਕਾਂ ਨੂੰ ਜਗਾਉਣਾ”। ਰਾਜ ਕੁਮਾਰ ਨੇਮੀ ਬਿਨ੍ਹਾਂ ਵਿਆਹ ਕੀਤੇ ਹੀ ਦੀਖਿਅਤ ਹੋ ਗਏ ਅਤੇ ਗਿਰਨਾਰ ਪਰਬਤ ਤੇ ਜਾ ਕੇ ਸਾਧਨਾ ਕਰਕੇ ਕੇਵਲ ਗਿਆਨ ਪ੍ਰਾਪਤ ਕੀਤਾ।
ਭਗਵਾਨ ਪਾਰਸ਼ਵ ਨਾਥ:
ਅੱਜ ਤੋਂ ਲਗਭਗ 3000 ਸਾਲ ਪਹਿਲਾਂ ਪੌਹ ਵਦੀ 10ਵੀਂ ਦੇ ਦਿਨ ਵਾਰਾਨਸੀ ਦੇ ਰਾਜਾ ਅਸ਼ਵ ਸੈਨ ਦੀ ਰਾਣੀ ਵਾਮਾਦੇਵੀ ਦੇ ਘਰ ਪਾਰਸ਼ਵ ਕੁਮਾਰ ਦਾ ਜਨਮ ਹੋਇਆ। ਪਾਰਸ਼ਵ ਕੁਮਾਰ ਬਚਪਨ ਤੋਂ ਹੀ ਸੱਚ ਅਤੇ ਗਿਆਨ ਦੇ ਉਪਾਸਕ ਸਨ। ਅਗਿਆਨ ਅੰਧ ਵਿਸ਼ਵਾਸ ਅਤੇ ਅਗਿਆਨ ਨਾਲ ਜੁੜੇ ਕ੍ਰਿਆਕਾਂਡਾ ਵਿੱਚ ਰਹਿੰਦੀ ਪਰਜਾ ਨੂੰ ਉਹ ਸੱਚ, ਗਿਆਨ ਅਤੇ ਆਤਮ ਸੰਜਮ ਰੂਪੀ ਤੱਪ, ਧਿਆਨ ਦਾ ਉਪਦੇਸ਼ ਦਿੰਦੇ ਸਨ।
ਇਕ ਵਾਰ ਉਹ ਗੰਗਾ ਨਦੀ ਕਿਨਾਰੇ ਘੁੰਮ ਰਹੇ ਸਨ, ਉੱਥੇ ਕਮਠ ਨਾਉਂ ਦਾ ਇਕ ਤੱਪਸਵੀ ਅਪਣੇ ਚਾਰੇ ਪਾਸੇ ਲਕੜੀਆਂ ਬਾਲਕੇ ਤੱਪ ਕਰ ਰਿਹਾ ਸੀ।
8