Jagat KalyankarI Jain Dharm

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 22

ਉਸ ਸਮੇਂ ਦੇ ਇਤਿਹਾਸ ਤੋਂ ਪਤਾ ਚੱਲਦਾ ਹੈ ਕਿ ਲੱਛਵੀ ਆਦਿ ਗਣਰਾਜਾਂ ਵਿੱਚ ਭਗਵਾਨ ਮਹਾਵੀਰ ਦਾ ਬਹੁਤ ਪ੍ਰਭਾਵ ਸੀ ਅਤੇ ਸ਼ਾਕਯ ਗਣਰਾਜਾਂ ਵਿੱਚ ਮਹਾਤਮਾ ਬੁੱਧ ਦਾ ਪ੍ਰਭਾਵ ਸੀ ਦੋਹੇਂ ਧਰਮ ਪ੍ਰਵਰਤਕ ਖਤਰੀ ਰਾਜਕੁਮਾਰ ਸਨ ਅਤੇ ਅਹਿੰਸਾ - ਸੰਜਮ - ਕਰੁਣਾ ਪ੍ਰਧਾਨ ਧਰਮ ਦਾ ਪ੍ਰਚਾਰ ਕਰਦੇ ਸਨ। ਦੋਹਾਂ ਨੇ ਯੱਗਾਂ ਵਿੱਚ ਹੋਣ ਵਾਲੀ ਹਿੰਸਾ ਦਾ ਵਿਰੋਧ ਕੀਤਾ। ਧਰਮ ਦੇ ਨਾਉ ਤੇ ਜਾਤ, ਪਾਤ ਦਾ ਭੇਦ ਮਿਟਾ ਕੇ ਸਭ ਨੂੰ ਧੁਰ ਅਰਾਧਨਾ ਦਾ ਪੂਰਨ ਅਧਿਕਾਰ ਦਿੱਤਾ। ਭਗਵਾਨ ਮਹਾਵੀਰ ਨੇ ਇਸ ਤੋਂ ਵੀ ਅੱਗੇ ਵੱਧਕੇ ਇਸਤਰੀ ਜਾਤੀ ਨੂੰ ਧਰਮ ਸਾਧਨਾ ਦੇ ਖੇਤਰ ਵਿੱਚ ਪੂਰਨ ਸਨਮਾਨ ਅਤੇ ਬਰਾਬਰੀ ਦਾ ਸਥਾਨ ਦਿੱਤਾ ਜੋ ਪੁਰਾਤਨ ਸਮੇਂ ਤੋਂ ਚੱਲੀਆਂ ਆ ਰਹੀਆਂ ਮਾਨਤਾਵਾਂ ਨੂੰ ਇਕ ਖੁਲੀ ਚੁਣੋਤੀ ਸੀ। ਜਿਸ ਨੂੰ ਅਸੀਂ ਧਰਮ ਕਾਂਤੀ ਵੀ ਆਖ ਸਕਦੇ ਹਾਂ। | ਇਸ ਪ੍ਰਕਾਰ ਤੀਹ ਸਾਲ ਤੱਕ ਅਹਿੰਸਾ ਧਰਮ ਦਾ ਪ੍ਰਚਾਰ ਕਰ ਕੇ ਕੱਤਕ ਬਦੀ ਅਮਾਵਸ ਦੀ ਰਾਤ ਨੂੰ ਪਾਵਾਪੁਰੀ ਵਿਖੇ ਭਗਵਾਨ ਮਹਾਵੀਰ ਦਾ ਨਿਰਵਾਨ ਹੋ ਗਿਆ।
ਭਗਵਾਨ ਮਹਾਵੀਰ ਦਾ ਜਨਮ ਈ. ਪੂ. 599 ਮਾਰਚ ਦਿੱਖਿਆ ਈ. ਪੂ. 569 ਦਸੰਬਰ, ਜਨਵਰੀ ਨਿਰਵਾਨ ਈ. ਪੂ. 527 ਨਵੰਬਰ
ਟਿਪਨੀ: 1. ਸ੍ਰੀਮਦ ਭਗਵਤ ਪੁਰਾਨ ਦੇ ਪੰਜਵੇਂ ਸਕੰਧ ਦੇ ਅਧਿਆਏ 2 ਤੋਂ 6 ਤੱਕ ਭਗਵਾਨ ਰਿਸ਼ਭ ਦੇਵ ਦਾ ਸੁੰਦਰ ਵਰਨਣ ਮਿਲਦਾ ਹੈ। 2. ਕੁੱਝ ਪੁਰਾਤਨ ਚਰਿੱਤਰਾਂ ਵਿੱਚ ਨਾਗ ਅਤੇ ਨਾਗਨ ਦਾ ਜੋੜਾ ਦੱਸਿਆ ਜਾਂਦਾ ਹੈ। ਜੋ ਸਵਰਗ ਵਿੱਚ ਪੈਦਾ ਹੋ ਕੇ ਧਰਨੇਦਰ - ਪਦਮਾਵਤੀ ਬਣੇ ਅਤੇ ਇਨ੍ਹਾਂ ਨੇ ਭਗਵਾਨ ਪਾਰਸ਼ਵ ਨਾਥ ਦੀ ਬਹੁਤ ਸੇਵਾ ਕੀਤੀ। ਅਜ ਵੀ ਇਹ ਪਾਰਸ਼ਵ ਨਾਥ ਦੇ ਭਗਤਾਂ ਦੀ ਸਹਾਇਤਾ ਕਰਦੇ ਹਨ।
16