Jagat KalyankarI Jain Dharm

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 33

ਦਿੱਲੀ ਦਾ ਰਾਜਾ ਮਦਨਪਾਲ (ਆਨੰਗਪਾਲ) ਆਪ ਦੇ ਮਹਾਨ ਗਿਆਨ ਅਤੇ ਸਾਧਨਾ ਦੀ ਸ਼ਕਤੀ ਤੋਂ ਖੁਸ਼ ਹੋ ਕੇ ਆਪ ਦਾ ਅਨੁਯਾਈ ਹੋ ਗਿਆ। ਜੈਨ ਦੇ ਪ੍ਰਚਾਰ ਪ੍ਰਸਾਰ ਵਿੱਚ ਆਪ ਦਾ ਮਹੱਤਵਪੂਰਨ ਯੋਗਦਾਨ ਹੈ। ਵਿਕਰਮ ਸੰਮਤ 1223 ਭਾਦੋਂ ਸੁਧੀ 14 ਨੂੰ ਦਿੱਲੀ ਵਿਖੇ ਆਪ ਦਾ ਸਵਰਗਵਾਸ ਹੋਇਆ। ਮਹਿਰੋਲੀ (ਦਿੱਲੀ) ਵਿੱਚ ਆਪ ਦੇ ਸਵਰਗਵਾਸ ਦੇ ਸਥਾਨ ਤੇ ਦਾਦਾ ਵਾੜੀ (ਸਮਾਧੀ) ਬਣੀ ਹੋਈ ਹੈ। ਜੋ ਇਕ ਚਮਤਕਾਰੀ ਅਤੇ ਪ੍ਰਭਾਵਸ਼ਾਲੀ ਭਾਰਤ ਪ੍ਰਸਿੱਧ ਤੀਰਥ ਬਣ ਗਿਆ ਹੈ।
• ਜਗਤ ਗੁਰੂ ਅਚਾਰਿਆ ਹੀਰ ਵਿਜੇ ਸੂਰੀ:
ਵਿਕਰਮ ਦੀ 16ਵੀਂ ਸਦੀ ਵਿੱਚ ਭਾਰਤ ਦੇ ਵਿਸ਼ਾਲ ਭੂ ਖੰਡ ਤੇ ਮੁਗਲਾਂ ਦਾ ਸ਼ਾਸਨ ਸੀ। ਸਾਰੇ ਧਰਮਾਂ ਦਾ ਸਨਮਾਨ ਕਰਨ ਵਾਲਾ ਅਤੇ ਸੁਮੇਲ ਕਰਨ ਦਾ ਪ੍ਰੇਮੀ ਮੁਗਲ ਬਾਦਸ਼ਾਹ ਅਕਬਰ ਜੈਨ ਧਰਮ ਤੋਂ ਕਾਫੀ ਪ੍ਰਭਾਵਤ ਰਿਹਾ। ਇਸ ਸਦੀ ਵਿੱਚ ਤਪਾਗੱਛ ਦੀ ਪਵਿੱਤਰ ਪ੍ਰੰਪਰਾ ਵਿੱਚੋਂ ਅਚਾਰਿਆ ਸ੍ਰੀ ਹੀਰ ਵਿਜੇ ਦਾ ਸਾਰੇ ਭਾਰਤ ਵਿੱਚ ਡੂੰਘਾ ਪ੍ਰਭਾਵ ਪਿਆ। ਉਨ੍ਹਾਂ ਦੇ ਗਿਆਨ, ਸਾਧਨਾ ਅਤੇ ਪ੍ਰਵਚਨ ਦੀ ਪ੍ਰਸ਼ਿਧੀ ਸੁਣਕੇ ਮੁਗਲ ਬਾਦਸ਼ਾਹ ਅਕਬਰ ਨੇ ਉਨ੍ਹਾਂ ਨੂੰ ਆਗਰਾ ਆਉਣ ਦਾ ਬੁਲਾਵਾ ਦਿੱਤਾ।
ਅਚਾਰਿਆ ਸ਼੍ਰੀ ਦੇ ਸੰਪਰਕ ਵਿੱਚ ਆਉਣ ‘ਤੇ ਉਸ ਦੇ ਵਿਚਾਰਾਂ ਅਤੇ ਜੀਵਨ ਵਿੱਚ ਕਾਫੀ ਬਦਲਾਉ ਆ ਗਿਆ। ਹੀਰ ਵਿਜੇ ਸੂਰੀ ਦੇ ਸੰਪਰਕ ਤੋਂ ਬਾਅਦ ਹੀ ਉਹ ਕੱਟੜ ਮੁਸਲਮਾਨ ਤੋਂ ਸਭ ਧਰਮਾ ਪ੍ਰਤੀ ਆਦਰ ਕਰਨ ਵਾਲਾ ਰਾਜਾ ਬਣਿਆ ਅਤੇ ਹਰ ਰੋਜ ਪੰਜ ਸੋ ਚਿੜੀਆਂ ਦੇ ਮਾਸ ਦਾ ਭੋਜਨ ਕਰਨ ਵਾਲਾ, ਸਾਲ ਵਿੱਚ ਛੇ ਮਹਿਨੇ ਮਾਸ ਛੱਡਨ ਦਾ ਤਿਆਗੀ ਹੋ ਗਿਆ।
ਅਕਬਰ ਨੇ ਅਪਣੇ ਰਾਜ ਵਿੱਚ ਜੈਨ ਧਰਮ ਦੇ ਪਰਿਯੂਸਨ ਆਦਿ ਤਿਉਹਾਰਾਂ ਵਿੱਚ ਸੰਪੂਰਨ ਜੀਵ ਹਿੰਸਾ ਅਤੇ ਮਾਸ ਵਿਕਰੀ ‘ਤੇ ਰੋਕ ਦਾ ਫਰਮਾਨ ਵੀ ਜਾਰੀ ਕੀਤਾ। ਅਚਾਰਿਆ ਹੀਰ ਵਿਜੇ ਸੂਰੀ ਨੇ ਬਾਦਸ਼ਾਹ ਅਕਬਰ ਦੀ ਬੇਨਤੀ ‘ਤੇ ਅਪਣੇ ਦੋ ਵਿਦਵਾਨ ਚੇਲੇ ਉਪਾਧਿਆਏ ਸ਼੍ਰੀ ਸ਼ਾਂਤੀ ਚੰਦਰ ਜੀ ਅਤੇ ਸ਼੍ਰੀ ਭਾਨੂ ਚੰਦਰ ਜੀ ਨੂੰ ਉਸ ਦੇ ਸੰਪਰਕ ਵਿੱਚ ਰੱਖਿਆ। ਜਿਨ੍ਹਾਂ ਦਾ ਪ੍ਰਭਾਵ ਅਕਬਰ ਤੋਂ ਬਾਅਦ ਸ਼ਾਹ ਜਹਾਨ, ਔਰੰਗਜ਼ੇਬ ਤੇ ਵੀ ਰਿਹਾ।
27