________________
છે
તે ચમરાજાની શરણ
આપવીતી
તમારા વેવાઈએ તમને આમંત્રણ આપેલું તેથી ગઈકાલે તમે તેમના ઘેર ગયા. પણ, કોઈ જ આવકાર નહિ, કોઈ જ આદર નહિ. જાણે બિલકુલ ઓળખતાં જ ન હોય તેવું વિચિત્ર વર્તન ! તમે તો જાણે ઊભાને ઊભા સળગી ગયા. કેવું ઘોર અપમાન લાગી ગયું તમને? કેવા ધૂંઆપૂંઆ થઈ ગયા તમે? ત્યાંથી પગ પછાડતા કેવા ભાગ્યા તમે ? અને તે ઘરમાં ફરી ક્યારેય પણ નહિ મૂકવાનો તમે નિર્ણય પણ કરી લીધો. કારણ કે, આ ઘોર અપમાનથી તમે સમસમી ઊઠયા હતા. તે અપમાનનો ઘા તમને તાજો છે, તેથી તમે મારી વ્યથાને વાંચી શકશો અને મારી વેદનાને સમજી શકશો. કારણ કે દુઃખીના દુઃખની વાતો દુઃખી જ સમજી શકે. મારી કરુણ કથની આજે મારે તમને કહેવી છે. હું પોતે વ્યથાનો જ્વાલામુખી છું. મારી અંદર વ્યથાના લાવા ધગધગી રહ્યા છે. મારી આંખો રડી રડીને સૂજી ગઈ છે, પણ મારા આંસુ લૂછનારા કોઈ નથી. સમદુઃખીયા આજે તમે મને મળ્યા છો, તેથી મારે મારું હૈયું તમારી પાસે ખાલી કરવું છે. તમે મારી વ્યથાને કાંઈક સમજી શકશો.
અત્યંત કરૂણ છે કથા મારી. અત્યંત દયનીય છે દશા મારી.
એકવારના એક વ્યક્તિના એક નાનકડાં અપમાનથી તમે ત્રાસી ગયા. પણ, મારી દશા તો જુઓ. બધા તરફથી તિરસ્કાર, ઠેક-ઠેકાણેથી અપમાન, સહુ કોઈ તરફથી કારમાં ધિક્કાર... સહુ કોઈ જન્મ ધારણ કરવા વડે જ મને પોતાનાં આંગણે
હૃદયકંપ છે ૧૫૧
