Dharmabinduprakaranam

Author(s): Haribhadrasuri, Jambuvijay, Dharmachandvijay, Pundrikvijay
Publisher: Jinshasan Aradhana Trust

Page 373

सवृत्तिके धर्मबन्दी
सप्तमं परिशिष्टम्
३००
चारित्तनाणदंसणफललोलमुणिंदसउणमेरुवणं । छत्तीस गणहरगुणे सरीरलीणे सइ धरंतं ||९|| दुद्धरपरीसहिंदियकसायविजओवलद्धमाहप्पं । सत्थपरमत्थपयडणपणासियासेसजणमोहं ॥१०॥ हिंसाए हिंसणं दोसदूसणं रोसरुसणं वंदे । सिरिमुणिचंदमुणीसर निययगुरुं गरिमजियमेरुं ॥ ११ ॥ मुणिचंदसूरि ! गणहरगुणाण अंतो न लब्भए तुम्ह। किं वा सयंभुरमणे जलप्पमाणं मुणइ कोई ? ॥१२॥ भवभीरुजीवसंतोसदाइणी तुम्ह मुणिवर पवित्ती । अहवा चिंतारयणं केसि नहु जणइ कल्लाणं ? ॥ १३ ॥ जा तुम्ह धीरिमा धीर ! कावि नन्नत्थ तं पलोएमि । लच्छीकमलपरिमलो किमन्ननलिणाई अल्लियइ ? ||१४|| जह मच्छरस्स पसरो तुमए निहओ तहा न अन्त्रेण । वणगहणं जह चूरइ मत्तकरी नो तहा ससओ ॥ १५ ॥ उवसमजलेण तुमए विज्झविओ रोसदारुणदवग्गी । विणयंकुसेण अहिमाणमयगलो निग्गहं नीओ ॥ १६ ॥ विसवल्लरीव्व माया पसरती लूरिया तुमे नाह ! । उब्भडकरालकरवालतिक्खधारापओगेण ॥ १७ ॥ बहुविहवियप्पकल्लोलसंकुलो लोहजलनिही सामी ! संतोसवाडवानलवसेण सोसं तुहं पत्तो ||१८|| अन्नेऽविभावरिणो हासाई संघडंतदढकलिणो । चारित्तमहामोग्गरपहारदाणेण ते निहया ॥ १९ ॥ मच्छररहियं परिहासवज्जियं गलियइंदियवियारं । भवनिव्वेयपहाणं जयउ जए तुह सया चरियं ॥२०॥ भोगतिसापामापरिगयाण जीवाण परमविज्जेणं । रयणत्तयतिहलाए तुमए नीरोगया विहिया || २१ || भावरिउदवानलदूमियाइं भवियाण माणसवणाई । सत्थीकयाई तुमए धम्मामयवारिवाहेणं ॥२२॥ सुविहियचरियाधरिणी पमायपायालमूलमल्लीणा । पुरिसुत्तमेण तुमए मुणिवइ ! लीलाइ उद्धरिया ||२३|| नाणारयणाई जुगवं तुम दाविंतएण भव्वाणं । निव्वाणनयरमग्गो पायडिओ परमकरुणेणं ||२४|| सीलालवालबंध धम्मतरू सग्गमोक्खफलफलिरो । सुहभावणाजलेणं अहिसित्तो सो त सामि ! ॥ २५ ॥ तं जयउ चिंतयकुलं जयम्मि सिरिउदयसेलसिहरं व । भव्वजियकमलबंधव ! जम्मि तुमं तमहरो जाओ ||२६||
३००