Dharmabinduprakaranam

Author(s): Haribhadrasuri, Jambuvijay, Dharmachandvijay, Pundrikvijay
Publisher: Jinshasan Aradhana Trust

Page 374

सवृत्तिके धर्मबिन्दौ
सप्तमं परिशिष्टम्
३०१
सच्चं महग्धिया सा महग्घिया चरमजलहिवेलव्व । मोत्तियमणिव्व जीए तं फुरिउ उयरसिप्पिउडे ||२७|| सा दब्भनयरी नयरसेहरत्तं सया समुव्वहउ । जीए तुह पुरिससेहर ! जम्मदिणमहामहो जाओ ||२८|| जसमद्दो सो सूरी जसं च भद्दं च निम्मलं पत्तो । चिंतामणिव्व जेणं उवलद्धो नाह ! तं सीसो ॥२९॥ सिरिविणायचंद अज्झावयस्स पाया जयंतु विंझस्स । जेसु तुह आसि लीला गयकलहस्सेव भद्दस्स ||३०|| आणंदसूरिपमुहा जयंतु तुह बंधवा जयप्पयडा। जे तुमए दिक्खविया सिक्खविया सूरिणो य कया ॥ ३१॥ अव्वो अउव्वमेयं किंपि य तुम्हाण भवियगयकुडुंब ! । संसारवल्लरीलूरणम्मि जं गयकुलेण समं ॥३२॥ नीसेसं तुह चरियं सव्वजियाणंदकारणं चेव । जं तु न नेहो कत्थवि तं मह हियए खुडुक्केइ ||३३|| मन्नामि सामि ! हिययं वज्जसिलासंपुडेण तु घडियं । पडिबंधबंधुरंमि वि सीसजणे निप्पिवासं जं ||३४|| जाणिय अणायं चि मरणं संबोहिऊण सीसगणं । गहियाणसणेण तए उवलद्धाऽऽराहणपडागा ||३५|| समुहेण उच्चरंतो चरिमे समयम्मि अट्ठ नवकारे । भणह भणहत्ति जंपिर ते धन्ना जेहिं दिट्ठोऽसि ||३६|| सासो खासो दाहो तिन्निवि रोगा मुणिंद ! तुह खीणा । अणसणपवित्तिसमए समयं कलुसेहिं कम्मेहिं ॥३७॥ चरमसमएवि सुहगुरु ! वियलत्तं परिहरंतएण तए । सव्वत्थ एगरूवा गुरुआ सच्चावियं वयणं ॥ ३८ ॥ सच्चं सा कसिणच्चिय कत्तियमासस्स पंचमी कसिणा । खेत्ततरं व सूरो जीए तं सम्गमल्लीणो ॥ ३९॥ एगारस अद्भुत्तर संवच्छरकाल ! पडउ तुह कालो। जससेसं जेण तए तं मुणिरयणं कथं पाव ! ||४०|| हा सिद्धंतपियामह ! हा ! माए ! ललियकव्वसंपत्ति । हा ! गणियविज्जसहिए हा ! बंधव तक्कपरमत्थ ॥४१॥ हा ! छंदमुद्धपुत्तय हा ! हाऽलंकारमज्झलंकारा। हा! कम्मपयडिपाहुडमाया ! मह भे निसामेह ||४२ ॥ जो आसि मज्ज जणओ मुणिचंदमुणीसरो विबुहपणओ। सो निग्धिणेण विहिणा सांगणमंडणो विहिओ ||४३|| ते अमयजलहिउम्गारसन्निहा कत्थ कोमलालावा ? । सुपसन्ननयणअवलोयणाई ही ताई पुण कत्थ ! ॥४४॥
३०१