Dahyo Damro

Author(s): Kumarpal Desai
Publisher: Gurjar Sahitya Prakashan

Page 9

D ડાહ્યો ડમરો
8
ક્યાંક ભરાઈ ગયો. મીનીમાસીને પગે વાગ્યું એ વધારામાં.
ફરી પેલા ચારે વેપારી ભેગા થયા. મીનીમાસી ચારેની મજિયારી મિલકત હતી. બધાએ મીનીમાસીને કયા પગે વાગ્યું છે એની તપાસ કરી. ખબર પડી કે મીનીનો જે પગ ભામાશાના ભાગમાં આવ્યો હતો અને જે પગે પિચગુલની ઘૂઘરીવાળું ઝાંઝર હતું એ પગે ઈજા થઈ છે.
બસ, થઈ રહ્યું, હવે દવાદારૂ ને પાટાપિંડીની તમામ જવાબદારી ભામાશા પર આવી ગઈ. એનો બધો ખર્ચો ભામાશાએ ભોગવવાનો.
ભોળા ભામાશાએ બિલાડીની ખૂબ દરકાર લીધી. સારા વૈદ પાસે દવા લગાવડાવી પાટો બંધાવ્યો, બિલાડી તો આવા પાટાથી કંટાળી ગઈ. એને ચાલતાંય ન ફાવે ત્યાં ઠેકડી કે તરાપ મારવાની વાત જ કેવી?
એમાં એ લંગડાતી લંગડાતી-નસીબજોગે એક સગડી પાસે પહોંચી ગઈ. સગડી પર દૂધ ઊકળતું હતું. સગડી પાસે જતાં એનો પગ અડી ગયો. કપડાંનો પાટો સળગવા લાગ્યો.
બસ, પછી તો મીનીમાસીએ કૂદાકૂદ કરવા માંડી. ચારે તરફ ઘુમવા માંડ્યું. એમાંય આ તો રૂ. સહેજ અગ્નિ લાગે કે ભડભડ સળગી ઊઠે.
વખારમાં આગ લાગી. ભારે ભડકા થયા. ગાંસડીઓ બળીને ખાખ થઈ. હજારોનું નુકસાન થયું.
ફરી પેલા ચાર વેપારીઓ ભેગા થયા. વાત બધી વિગતે જાણી, ઝીણવટથી વિચારી ને શાંતિથી વાગોળી. આખરે સાર આવ્યો કે ભામાશાએ પોતાના ભાગમાં આવેલા પગે પાટો બાંધ્યો. એ પાર્ટી સળગ્યો. આ કારણે રૂમાં આગ લાગી અને એનાથી મોટું નુકસાન થયું. આથી તમામ નુકસાન માટે ભામાશા જવાબદાર છે. એણે નુકસાન ભરપાઈ કરવું જોઈએ. ત્રણે વેપારીએ ફેંસલો આપ્યો.
ભામાશાના તો હોશકોશ ઉડી ગયા. એણે પોતાના બચાવમાં