________________
દામોદર મહેતા દેખાવે સાવ સાદો લાગે. બહુ જ નમ્રતાથી વાત કરે અને બીજાની વાત સાંભળે. એનું કદ સાવ નાનું અને સહેજ કદરૂપો પણ લાગે. આથી એક દિવસ ભોજના એક દરબારીએ એની મજાક ઉડાવવા પૂછયું,
‘મહેતા, ગુજરાતના રાજા પાસે તમારા જેવા કેટલા કદરૂપા પ્રધાનો છે ?”
દામોદર મહેતાએ જવાબ વાળ્યો. ‘એમની પાસે મારા જેવા પણ ઘણા છે ને દેખાવડા પણ ઘણા છે. વળી ન કદરૂપા ને ન રૂપાળા એવા પણ મંત્રીઓ છે.’
ભોજનો દરબારી બોલ્યો, “તો તમારા જેવાને જ અહીં એલચી તરીકે પસંદ કરીને કેમ મોકલ્યા ?”
ડમરો એની વાત પારખી ગયો. એ બોલ્યો, “અમે એલચીઓના પ્રકાર પાડ્યા છે. ઉત્તમ, મધ્યમ અને અધમ. જેવું રાજ્ય હોય એવો એલચી મોકલાય. સમજ્યા ને મહાશય ?'
પેલો ભોજનો દરબારી શું કહે ? એની દશા તો કાપો તોય લોહી ન નીકળે એવી થઈ.
એલચીઓના પ્રકાર 1 2
