Book Title: Bharatni Ek Viral Vibhuti Dhirajlal Shah
Author(s): Rudradev Tripathi, Ramanlal C Shah and Others
Publisher: Shatavdhani Pandit Dhirajlal T Shah Amrut Mahotsav Samiti
View full book text
________________
શ્રી ધીરજલાલ શાહ
ભારતની એક વિરલ વિભૂતિ-શ્રી ધીરજલાલ શાહ નામના ગ્રંથનું ખાસ નિર્માણ કરી તેનું સુંદર સ્વરૂપે પ્રકાશન કરવું. આ ગ્રંથનિર્માણ અંગે મારી પસંદગી થઈ છે અને મેં તેને સહર્ષ સ્વીકાર કર્યો છે, તે એટલા માટે કે આ નિમિતે પંડિતજી પ્રત્યેના મારા પ્રેમ-સ્નેહ-સદ્દભાવને યથાર્થ પણે વ્યક્ત કરી શકું.
પરંતુ પંડિતજીની તિર્મય જીવનકથાનું યથાર્થ આલેખન શી રીતે કરવું? એ એક મૂંઝવણભર્યો પ્રશ્ન છે, કારણ કે એ જીવનકથામાં વિવિધ પ્રવૃત્તિઓ રૂપી નદીઓનાં નીર ઠલવાતાં એણે સાગર જેવી વિશાલતા ધારણ કરેલી છે. આમ છતાં આનંદ અને આશ્વાસનની વાત એટલી છે કે સને ૧૭૫ ના નવેમ્બર માસની ૨૩ મી તારીખે મુંબઈ મહાનગરીની ૧૧૦ જેટલી સંસ્થાઓએ તેમનું જાહેર સન્માન
* આ સન્માન-સમારોહના અધ્યક્ષસ્થાને મુંબઈ અને ગુજ. રાત રાજ્યના માજી શિક્ષામંત્રી પદ્મશ્રી ઈન્દુમતી ચીમનલાલ શેઠ બિરાજ્યા હતા. ગુજરાતના વયોવૃદ્ધ સાક્ષરરત્ન શ્રીમાન રામપ્રસાદ બક્ષી તથા અન્ય મહાનુભાવો અતિથિવિશેષ તરીકે ઉપસ્થિત થયા હતાં અને ગુજરાત રાજયના તે વખતના મુખ્ય મંત્રી માનનીય શ્રી બાબુભાઈ જશભાઈ પટેલે ખાસ મહેમાન તરીકે હાજરી આપી હતી. તેમના વરદ હસ્તે ગ્રંથપ્રકાશન થયું હતું અને તે ગ્રંથ પંડિતજીને સાદર સમર્પણ કરતાં તેમને ગુજરાતના એક પનોતા પુત્ર તરીકે અંજલિ અપાઈ હતી. આ પ્રસંગની ગુજરાત રાજ્ય તરફથી સમાચાર ફીલ્મ લેવાઈ હતી અને તે ગુજરાતસૌરાષ્ટ્ર-કચ્છનાં મુખ્ય મુખ્ય શહેરોમાં બતાવવામાં આવી હતી.
