Book Title: Bharatni Ek Viral Vibhuti Dhirajlal Shah
Author(s): Rudradev Tripathi, Ramanlal C Shah and Others
Publisher: Shatavdhani Pandit Dhirajlal T Shah Amrut Mahotsav Samiti
View full book text
________________
શ્રી ધીરજલાલ શાહ
૩૫૧ સને ૧૯૬૯ ની સાલમાં મંત્રદિવાકર ગ્રંથના પ્રકાશન સમારોહ પ્રસંગે તેમની અપૂર્વ સાહિત્યસેવાનું તથા વિશિષ્ટ શક્તિઓનું સન્માન કરવા માટે ભારતના સુપ્રસિદ્ધ વિદ્વાન તરફથી તેમને સરસ્વતી વરદપુત્ર અને “મંત્રમનીષીની માનવંતી પદવીઓ આપવામાં આવી હતી. આ વિદ્વાનમાં વિશ્વવિદ્યાલયના ઉપકુલપતિઓ, સંસ્કૃત–હિંદી વિભાગના અધ્યક્ષ, જાણીતા સાહિત્યકાર-સમીક્ષકો તેમજ જુદા જુદા પ્રાંતમાં સાહિત્યની સેવા કરનારાઓની પ્રચુરતા હતી. આ અવસરે સંસ્કૃત ભાષામાં રચાયેલું ભવ્ય સન્માનપત્ર, શાલ, સરસ્વતીની પ્રતિમા, શ્રી શંખેશ્વર પાર્શ્વનાથની કલામય કૃતિ તથા બીજી વસ્તુઓ પણ ભેટમાં અપાઈ હતી. શ્રી અમૃતલાલ યાજ્ઞિક, શ્રી મનસુખલાલ ઝવેરી, શ્રી ગુલાબદાસ બ્રોકર તથા શ્રી જ્યોતીન્દ્ર હ. દવે વગેરે સુપ્રસિદ્ધ સાક્ષરોએ તેમની સાહિત્ય સેવાને બિરદાવી હતી અને તેમનું તંદુરસ્તીભર્યું દીર્ધાયુષ્ય ઈછયું હતું.
સને ૧૯૭૫ના નવેમ્બરના માસની ૨૩મી તારીખે મુંબઈની ૧૧૦. સંસ્થાઓ તરફથી બીરલા માતુશ્રી સભાગારમાં તેમનું જાહેર સન્માન કરવામાં આવ્યું હતું. એ વખતે પશ્રી ઈન્દુમતી ચીમનલાલ શેઠ અધ્યક્ષસ્થાને બિરાજ્યા હતા તથા તે વખતના ગુજરાત રાજ્યના મુખ્ય મંત્રી સન્માનનીય શ્રી બાબુભાઈ જશભાઈ પટેલે મુખ્ય મહેમાન તરીકે હાજરી આપી હતી. શ્રી રામપ્રસાદ બક્ષી આદિ અન્ય મહાનુભાવો અતિથિવિશેષ તરીકે પધાર્યા હતા. વિશિષ્ટ કાર્યક્રમ અને વિશદ વ્યાખ્યાનને લીધે આ
