Book Title: Bharatni Ek Viral Vibhuti Dhirajlal Shah
Author(s): Rudradev Tripathi, Ramanlal C Shah and Others
Publisher: Shatavdhani Pandit Dhirajlal T Shah Amrut Mahotsav Samiti
View full book text
________________
કર
ભારતની એક વિરલ વિભૂતિ ધીમાં-બુદ્ધિમાં આવેલા માલિન્યને દૂર કરવામાં પ્રયત્નશીલ બની ઉત્તમ બુદ્ધિના સંગ્રહમાં, તેને સંસ્કાર કરવામાં, તેને ફેલાવવામાં નિરંતર આપ-લે કરતા રહેશો, એવી ભાવનાથી જ ધીરજલાલ નામે ઓળખાયા છે.
એક વાર એક વિદ્વાને વિશાલ જનસંખ્યાવાળી સભામાં તેમને પરિચય આપતાં જણાવેલું કે પુત્રપ્રાપ્તિની બાબતમાં તેઓ માતાપિતાને ધૈર્ય આપનાર નીવડ્યા, એટલે તેમનું નામ ધીરજલાલ રાખવામાં આવ્યું.
બીજા આવા એક પ્રસંગે એક સાક્ષર મહાશયે જણાવેલું કે તેઓ ધીર-ગુગંભીર એવાં માતાપિતાને ત્યાં જન્મ પામ્યા, તેથી તેમનું નામ ધીરજલાલ પડયું.
અહીં એટલું જણાવી દઉં કે પુત્ર-પુત્રીનાં નામે ઘણા ભાગે સંજ્ઞાસૂચક જ હોય છે, છતાં વિદ્વાને પોતાની પ્રતિભાથી તે અંગે અનેક પ્રકારની ઉભેક્ષાઓ કરીને તેને ગુણનિષ્પન્ન સિદ્ધ કરી શકે છે અને તે જનમનને આનંદ અને આશ્ચર્યનું કારણ બને છે.
શ્રી ધીરજલાલભાઈ સામાન્ય સ્થિતિમાં ઉછર્યા હતા, પણ માતાપિતાની અપૂર્વ મમતાને લીધે તેમના લાલન– પાલનમાં કોઈ ખામી આવી ન હતી. મેં અનુભવે જોયું છે કે એક પુત્રને શ્રીમંતને ત્યાં જન્મ થયો હોય તે તેને ઉછેરવામાં ઘણું કાળજી રાખવામાં આવે છે અને તે માટે ખાસ બાઈઓને રોકવામાં આવે છે, આમ છતાં તે વારંવાર માંદો પડે છે કે નબળાઈને ભોગ થઈ પડે છે અને
