Book Title: Bharatni Ek Viral Vibhuti Dhirajlal Shah
Author(s): Rudradev Tripathi, Ramanlal C Shah and Others
Publisher: Shatavdhani Pandit Dhirajlal T Shah Amrut Mahotsav Samiti
View full book text
________________
૨૧૩
શ્રી ધીરજલાલ શાહ ટીકા રચી અને તે શેઠશ્રીને પસંદ પડતાં કામ આગળ ચાલ્યું. પરંતુ આ રીતે સાત કે આઠ સૂત્રોની ટીકા રચાયા પછી શેઠશ્રીને વિચાર આવ્યો કે ઘણા ખર્ચ અને ઘણા સમયને ભેગ આપ્યા પછી તૈયાર થયેલી આ ટીકા જેનાચાર્યો તથા જૈન સંઘને પસંદ પડશે કે કેમ? જે તે પસંદ ન પડે તે મૂળ હેતુ માર્યો જાય, એટલે તેમણે પ. પૂ. શ્રી આનંદસાગર સૂરીશ્વરજી મહારાજની સલાહ લેવા નિર્ણય કર્યો. તે માટે તેમણે શ્રી ધીરજલાલભાઈ ઉપરાંત ત્રણ મિત્રોને સાથે લીધા. તે વખતે પૂજ્ય આચાર્યશ્રી સુરત બિરાજતા હતા, એટલે શેઠશ્રીની મંડળી સુરત ગઈ ત્યાં પૂજ્યશ્રીનાં દર્શન કર્યા બાદ શ્રી પ્રતિકમણસૂત્ર–પ્રબોધ ટીકાની રચના અંગે વાર્તાલાપ થયે, તેમાં ઘણા ઘણા પ્રકારની ચર્ચાઓ થઈ અને તે બે દિવસ ચાલી. છેવટે આચાર્યશ્રીએ કહ્યું: “મને લાગે છે કે શ્રી ધીરજલાલભાઈ આ ટીકાનું કામ કરી શકશે અને તે શ્રીસંઘને ઉપયોગી થશે. પણ તેમાં કોઈ આડી-અવળી વાત ન આવે, તેનું ધ્યાન રાખજે” આથી શેઠશ્રી તથા તેમની મંડળી રાજી થઈ અને શ્રી ધીરજલાલભાઈએ પૂજ્ય આચાર્યશ્રીને જણાવ્યું કે “આ કાર્ય પરિપૂર્ણ કરવા માટે આપના આશીર્વાદ જોઈએ. હું આ ટીકા સૂત્ર અને પરંપરાના આધારે જ રચવા માગું છું. તેમાં કઈ પણ આડીઅવળી વાત નહિ આવે, તેની આપને ખાતરી આપું છું એટલે પૂજ્ય આચાર્યશ્રીએ તેમના મસ્તકે વાસક્ષેપ નાખી આશીર્વાદ આપ્યા.
