________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રી આત્માનંદ પ્રકાશ વર્ષ : ૩ અંક ૧૨, ૧૬ ઓક્ટોબર ૨૦૦૩ ]
[૧૭
પ્રભુએ પશુહિંસા અટકાવી. માંસાહારને અધર્મ | સૌરભ છે. તેમના ઉચ્ચતમ વાણીના રસઝરણમાં
કહ્યો. સત્ય શાંતિ અને મૈત્રીભાવનો સંદેશ જગતને આપ્યો. દરેક જીવ વિકાસનો અધિકારી છે. મન વચન અને કાયાથી કોઈ જીવને હણ નહીં એમ પ્રભુએ કહ્યું. આત્મસત્તાએ આપણે અને પ્રભુ સરીખા સુષુપ્ત આતમરામને ઢંઢોળીએ. પ્રભાવ છે ખુલ્લી દૃષ્ટિનો. છીછરી દૃષ્ટિથી મન સંકલ્પ-વિકલ્પમાં, આરંભપરિગ્રહમાં ભટકશે. આપણે સરવાળામાં શૂન્ય | માની જીવતાં જ રહ્યા. ભીતર જઈને જોયું તો | વીતી ગયેલા વર્ષોની એ બાદબાકી હતી. એ વર્ષોમાં આપણે શું મેળવ્યું? દુર્લભ મનુષ્યભવમાં | પ્રભુએ પ્રબોધેલા આત્મધર્મ તરફ ધર્માભિમુખ થઈ સભ્યજ્ઞાન, સમ્યગ્દર્શન, સમ્યચારિત્રની પ્રાપ્તિ કરીએ, જે માત્ર જીવન નહીં પણ પરલોક પણ સુધારશે. સત્ય પંથે વિચરતો માનવ અને ઊર્ધ્વલોકમાંથી પ્રગટતી પ્રભુની કરુણાભરેલી અચિંત્ય શક્તિ બંને સાથે કામ કરશે. પંખીને ઉડવું હોય ત્યારે પાંખો ફફડાવી લાગેલો કચરો સાફ કરી હળવું બને છે પછી ઊડી શકે છે. આપણે પણ મોક્ષમાર્ગે ઉત્થાન કરવું છે તો રાગદ્વેષરૂપી કચરો જે જામેલો છે તેને સાફ કરી હળવાફૂલ બની અશુદ્ધમાંથી શુદ્ધ બની પ્રભુના વારસદાર થવાનું છે. પ્રભુ મહાન છે, તેનાથી / પણ મહાન તેમના ઉપરની શ્રદ્ધા છે. પ્રભુએ ” પ્રરૂપેલા સિદ્ધાંતો અજોડ છે, ઉપદેશ અદ્ભુત છે. પ્રભુના ઉપદેશનાં કણકણમાં માનવતાનું અમૃત છલકાઈ રહ્યું છે. પ્રભુની વાણીમાં સત્ય છે-તત્ત્વ છે-ઓજસ છે-જ્ઞાન-દર્શન-ચારિત્રની
|
/
એ
અવગાહન કરી, જીવનમાં ઉચ્ચ વિકાસ સાધી તેમણે નિર્દેશિત કરેલા પુનિત પંથે વિહરીએ તેમાં જ જીવનની સાર્થકતા છે. પાપ-તાપસંતાપથી વિમુખ બનીએ. સાગર પાસે હોવો તે તો સિદ્ધિ છે. પણ પાણી ભરવાના વાસણનું કદ અતિ મહત્ત્વનું છે. પ્રભુ તો ઘણું ઘણું આપવા માગે છે, રત્નોનો ખજાનો ભરપૂર છે. પણ આપણું પાત્ર તો રાગદ્વેષથી છલોછલ ભરેલું છે. પ્રભુ આપશે તે તો છલકાઈ જઈ વેરવિખેર થઈ જશે. ક્રિયાત્મક ધર્મ દ્વારા ગુણાત્મક ધર્મ પામવાનો છે. સંભાળવાનું છે કે જ્ઞાન શુષ્ક ના બને, તપ એ તાપ બને, શાસ્ત્રો એ શસ્ત્ર ના બને. દરેક સમ્યક્ ક્રિયા આત્મા તરફ પ્રયાણ કરનાર છે, જે જન્મમરણના ચક્કરોમાંથી છોડાવે છે. અરિહંતની આરાધના કરીએ અને કરુણા ના પ્રગટે, અશકય ! દિવ્યજ્ઞાન, અખંડ આનંદ, સૂર્યચંદ્રની જ્યોતિ કરતાં પણ અતિ તેજસ્વી એવી આત્મજ્યોતિ દરેક માનવમાં પ્રકાશી રહ્યાં છે. આત્માની શુદ્ધિ. એટલે ગુણોની વૃદ્ધિ અને પરમપદની પ્રાપ્તિ. આત્માને પામવો છે– પરમતત્ત્વ સાથે જોડાણ કરવું છે તો આંતર અને બાહ્ય શુદ્ધિની આવશ્યકતા છે. શાસ્ત્રો એ પ્રભુનાં વચનોનું પ્રતિબિંબ છે, જેમાં પ્રભુ સાક્ષાત્ ભાસે છે. અધ્યાત્મનો રાહ આપણને પરમ શાંતિ આપશે.
|
For Private And Personal Use Only
[દિવ્યધ્વનિ માસિકમાંથી સાભાર) રજૂઆત : મોદીભાઈ
