Atmanand Prakash Pustak 073 Ank 07

Author(s): Jain Atmanand Sabha Bhavnagar
Publisher: Jain Atmanand Sabha Bhavnagar

Page 3

થયું. મૂળ વતન દમણમાં તેઓના મકાને છે અને ત્યાં અવારનવાર જાય છે પણ ખરા. બે પુત્રીઓમાં એક મંજુલાબેન અને બીજા બેનનું નામ કુ સુમબેન, બાલ્યાવસ્થાથી જ કુસુમબેનનું જીવન તપ-ત્યાગ-સંયમના રંગથી રંગાયેલું હતું. જન્મના પુણ્યોદયે ચારિત્ર ઉદયમાં આવ્યું અને આ બાળબ્રહ્મચારિણી બેને સ. ૨૦૦૬ની સાલમાં ૨૧ વર્ષની યુવાન વયે પૂ. સાધ્વીજી શ્રી લાવણ્યશ્રીજી પાસે દીક્ષા અંગીકાર કરી. દીક્ષિત અવસ્થાનું તેમનું નામ શ્રી પ્રિયંકરાશ્રીજી છે. તપ-ત્યાગ-સંયમમાં આ બેન માતાથી પણ સવાયા થયા અને માસ ક્ષમણ તપ, સિદ્ધિતપ તેમજ એકી જ સાથે ૫૦૦ અબેલેની તપશ્ચર્યા કરી તપસ્વી બિરુદ પ્રાપ્ત કર્યું છે. જે કુટુંબમાં કુસુમબેન જેવી પુત્રીનો જન્મ થાય છે તેના માતા પિતા અને કુટુંબ ધન્ય બને છે. ઈ. સ. ૧૯૬૩માં દમણમાં શ્રી સુંદરલાલભાઈએ સાધ્વીશ્રી પ્રિય કરાશ્રીનું તેમજ તેમની સાથે ૧૬ ઠાણાઓનું ચોમાસું અત્યંત આનંદ અને ઉલ્લાસપૂર્વક કરાવ્યું હતું.
શ્રી સુંદરલાલભાઈના એકના એક પુત્ર શ્રી શાંતિલાલભાઈને ત્યાં છ પુત્રો અને બે પુત્રીને પરિવાર છે. મુંબઈમાં તેમની માલિકીના બે મકાને છે. લાભથી લાભ વધે છે એમ કહેવાય છે, પણ આ વાત શ્રી સુંદરલાલભાઈએ માત્ર ચાલીસ વર્ષની વયે સક્રિય ધંધામાંથી નિવૃત્ત થઈ જઈ ખાટી પાડી છે. આજે સિત્તોતેર વર્ષની વયે પણ તેઓએ એવી સરસ તંદુરસ્તી જાળવી રાખી છે, કે આજના યુવાનોને પણ તેમના દેહ ની કાંતિ જોઈ શરમ થયા વિના ન રહે. આવી તંદુરસ્તીના મૂળમાં મુખ્યત્વે તેમનું તપ, સંતોષ અને જીવનની રહેણી કરણી છે. ત્રેિસઠ વર્ષની વયે પણ તેઓએ માસક્ષમણ જેવું આકરું તપ અને ચેસઠ વર્ષની વયે તેમણે મહાન સિદ્ધિ તપ કરી માનવ જીવનને અનેરો લાભ લીધો છે. આ સિવાય સોળ ઉપવાસ, પંદર ઉપવાસ અને એવી નાની મોટી તપશ્ચર્યા તેઓ કરતાં જ આવ્યા છે. ભારતના તમામ જૈન તીર્થોની યાત્રા પણ તેમણે કરેલી છે.
ભતૃહરિએ યથાર્થ જ કહ્યું છે કે, “ રાજેન વાનિર્ન ટુ વન અર્થાતુ દાનથી જ હાથની શોભા વધે છે. કલિયુગને મહાન ધર્મ દાન જ છે. ભાગનું પરિણામ વિનાશ છે, ત્યારે દાનનું પરિણામ અમરત્વ છે. આ સૂત્રને શ્રી સુંદરલાલભાઈએ પોતાના જીવનમાં ચરિતાર્થ કરેલું છે. ઈ. સ. ૧૯૬૫માં તેમણે શ્રી સૌભાગ્યચંદ હેમચંદ શાહ સાથે સંયુક્ત રીતે મુંબઈથી પાલીતાણા-સંખેશ્વરજીને પેશ્યલ ટ્રેઇનમાં એક ભવ્ય યાત્રા સંઘ કાઢયા હતા, જેમાં ૧૨૦૦થી પણ વધુ ભાઈ બહેન હતા. સંઘની વ્યવસ્થા એટલી ઉત્તમ હતી કે આજે પણ યાત્રિકે તે સંઘના સ્મરણો યાદ કરે છે.
અગાશી તીર્થમાં રૂા. ૬૧૦૦૦નું દાન કરી ત્યાંની ધર્મશાળા સાથે સુંદરલાલ શેઠનું નામ જોડવામાં આવ્યું છે. પાલિતાણા ગુરુમંદિરમાં ૨૧, ૦૦૦ અમદાવાદ એપેરા સોસાયટી મંદિરમાં રૂા. ૧૦,૦૦૦ મહાવીર જૈન વિદ્યાલયમાં એક સ્કોલર માટે રૂા. ૧૨૫૦૦, સુરત વીશા શ્રીમાળી જ્ઞાતિ કેળવણી વિભાગમાં રૂા ૨ ૫૦૦૦ તેમજ માંદા માણસેની સારવાર અર્થના વિભાગમાં પણ રૂા. ૨૫૦ ૦૦નું દાન કર્યું છે. આ સિવાય પાલીતાણાની શેત્રુ જય વિહારની ધર્મશાળા, શ્રી બાબુ ભાઈ ફકીરચંદ કેળવણી ફંડ તેમજ અનેક સામાજિક, શિક્ષણિક અને ધાર્મિક સંસ્થાઓમાં યથાશક્તિ છુટા હાથે દાન કરેલ છે.
શ્રી સુંદરલાલભાઈ જેવા એક ધર્મનિષ્ઠ, દાનવીર અને સંચરિત મહાનુભાવ આ સભાના પેટ્રન થયા તે માટે અમે આનંદ અને ગૌરવ અનુભવીએ છીએ અને તેમના હાથે લેક કલ્યાણના અનેક શુભ કાર્યો થાય એવી શુભેચ્છા સાથે વિરમીએ છીએ.