Anangpavittha Suttani Padhamo Suyakhandho

Author(s): Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh

Page 10

अनंगपविढ सुत्ताणि ओववाइयसुत तेणं कालेणं तेणं समएणं चंपा णाम णयरी होत्था, रिद्धस्थिमियसमिद्धा पमुइयजणजाणवयां आइण्णजणमणुस्सा हलसयसहस्ससंकिट्टविकिट्ठलठ्ठपण्णत्तसेउसीमा कुक्कुडसंडेयगामपउरा उच्छुजवसालिकलिया गोमहिसगवेलगप्पभूया आयारवंतचेइय-जुवइ-विविह-सण्णिविठ-बहुला उक्कोडियगायगंठिभेयगभडतक्करखंडरक्खरहिया खेमा णिस्वद्दवा सुभिक्खा वीसत्थसुहावासा अणेगकोडिकुडुंबियाइण्णणिबुयसुहा णडणगजल्लमल्लमुट्ठियवेलंबयकहगपगलासगआइक्खगलंखमंस्तूणइल्लतुंबवीणियअणेगतालायराणुचरिया आरामुजाणअगडतलागदीहियवप्पिणिगुणोववेया णंदणवणसण्णिभप्पगासा उव्विद्धविउलगंभीरखायफलिहा चक्कगयमुसुंढिओरोहसयन्घिजमलकवाडघणदुप्पवेसा धणुकुडिलवंकपागारपरिक्खित्ता कविसीसयवट्टरइयसंठियविरायमाणा अट्टालयचरियदारंगोपुरतोरणउण्णयसुविभत्तरायमग्गा छेयायरियरइयदढफलिहइंदकीला विवणिवणिच्छेत्तसिप्पियाइण्णाणिव्यसुहा सिंघाडगतिगचउक्कचच्चरपणियावणविविहवत्थुपरिमंडिया सुरम्मा णवइपविइण्णमहिवइपहा अणेगवरतुरगमत्तकुंजररहपहकरसीयसंदमाणीयाइण्णजाणजुग्गा विमउलणवणलिणिसोमियजला पंडुरवरभवणसण्णिमहिया उत्ताणणयणपेच्छणिजा पासादीया दरिसणिज्जा अभिरुवा पडिरूवा // 1 // तीसे णं चंपाए णयरीए बहिया उत्तरपुरस्थिमे दिसीभाए पुण्णभद्दे णामं चेइए होत्था, चिराईए पुव्वपुरिस पण्णत्ते पोराणे सदिए वित्तिए ( कित्तिए ) णाए सच्छत्ते सज्झए सघंटे सपडागाइपडागमंडिए सलोमहत्थे कयवेयदिए लाउल्लोइयमहिए गोसीस-सरस-रत्त-चंदणदद्दरदिण्ण-पंचंगुलितले उवचियचंदणकलसे चंदणघड-सुकयतोरण-पडिदुवारदेसभाए आसत्तोसत्तविउलवट्ट-वग्धारिय मल्लदामकलावे पंचवण्णसरससुरहिमुक्कपुष्फ पुंजोवयारकलिए कालागुरुपवरकुंदुरुक्कतुरुक्क-धूवमघमघंतगंधुद्धयाभिरामे सुगंधवर-गंधगंधिए गंधवटिभूए णडणट्टगजल्लमल्ल-मुट्ठिय-वेलंबयपवगकहगलासग-आइक्खग-लखमंख-तूणइलतुंबवीणिय-भुयगमागहपरिगए बहुजण