________________
ભગવાન ગૌતમસ્વામીજીનું કેવલજ્ઞાન
કે, ભગવાન ગૌતમસ્વામીજીનું કેવલજ્ઞાન )
જેન જનતામાં ભગવાન ત્રિલોકનાથ તીર્થંકરોનાં કેવલજ્ઞાનનો દિવસ કેવલજ્ઞાનકલ્યાણક તરીકે આરાધાય છે તેથી તે તે તીર્થકરોનાં તે તે કેવલજ્ઞાનનાં દિવસે શાસ્ત્રકારોએ નિર્મિત થયેલા છે, અને તે જ પ્રમાણે આરાધવામાં પણ આવે છે, પરંતુ ભગવાન તીર્થકરોની માફક પહેલાનાં ભાવમાં ગણધરનામકર્મનો બંધ કરીને ગણધર તરીકે થયેલા મહાપુરૂષોનાં કેવલજ્ઞાનનાં દિવસોને કલ્યાણક તરીકે નહિ, પરંતુ મહોત્સવ તરીકે પણ આરાધવાનું જેન જનતામાં ઘણું ઓછું જ બને છે. શ્રમણભગવાન મહાવીર મહારાજનાં અગીઆર ગણધરો થયા છે, અને તેઓ સર્વે કેવલજ્ઞાન મેળવીને મોક્ષને જ પામ્યા છે, છતાં ભગવાન ગૌતમસ્વામીજી સિવાય બીજા કઈ પણ ગણધરનાં કેવલજ્ઞાન દિવસ ઉપલબ્ધ થતું નથી, અને તે શાસ્ત્રને કરનારાઓએ જણાવ્યું પણ નથી, તેમ જેન જનતામાં તે તે કેવલજ્ઞાનનાં દિવસે પર્વ તરીકે આરાધવામાં રૂઢ થયેલા પણ નથી, જે કે શ્રમણભગવાન મહાવીર મહારાજે ગણધર પદની સ્થાપના કરતી વખતે જ ગણની અનુજ્ઞા એટલે શાસન ધારવાની આજ્ઞા ભગવાન સુધર્માસ્વામીને જ આપી હતી, અને તેથી જ ભગવાન મહાવીર મહારાજનાં નિર્વાણ પછી શ્રી સુધર્માસ્વામીજ શાસનધારક : થયા, અને એ જ કારણથી ક૯પસૂત્રની સ્થવિરાવલીમાં પટ્ટપરંપરાના મૂલ તરીકે શ્રી સુધર્માસ્વામીને જ લેવામાં આવ્યા છે. તેવા શાસનનાં મૂલ પુરૂષ સુધર્માસ્વામીજીને પણ કેવલજ્ઞાનનો દિવસ ઉપલબ્ધ થાય તેમ શાસ્ત્રકારોએ તેને ઉલિખિત કર્યો નથી, અને જૈન જનતામાં પર્વ તરીકે આરાધાતો નથી,
