Book Title: Agam Sudha Sindhu Part 06
Author(s): Jinendravijay Gani
Publisher: Harshpushpamrut Jain Granthmala
________________ 376 ] [ श्रीमदागमसुधासिन्धुः / षष्ठो विभागः वेदणं वेदेति, एवं जाव वालुयप्पभा-पुढविनेरइया 3 / पंकप्पभा-पुढविनेरइयाणं पुच्छा, गोयमा ! सीतंपि वेदणं वेदेति उसिणंपि वेदणं वेदेति, नो सीतोसिणं वेदणं वेदेति, ते बहुयतरागा जे उसिणं वेदणं वेदेति, ते थोवतरागा जे सीतं वेदणं वेदेति 4 / धूमप्पभाए एवं चेव दुविहा, नवरं ते बहुतरागा जे सीतं वेदणं वेदेति, ते थोवतरागा जे उसिणं वेदणं वेदेति 5 / तमाए य तमतमाए य सीयं वेदणं वेदेति नो उसिणं वेदणं वेदेति, नो सीतोसिणं वेदणं वेदेति 6 / असुरकुमाराणं पुच्छा, गोयमा ! सीतंपि वेदणं वेदेति उसिणंपि वेदणं वेदेति सीतोसीणंपि वेदणं वेदेति, एवं जाव वेमाणिया 7 / कतिविहा णं भंते ! वेदणा पन्नत्ता ?, गोयमा ! चउब्विहा वेदणा पन्नत्ता तंजहा-दव्वतो खेत्ततो कालतो भावतो 8 / नेरझ्या णं भंते ! किं दव्वतो वेदणं वेदेति जाव किं भावतो वेदणं वेदेति ?, गोयमा ! दबोवि वेदणं वेदेति जाव भावग्रोवि वेदणं वेदेति, एवं जाव वेमाणिया 1 / कतिविहा णं भंते ! वेदणा पनत्ता ?, गोयमा ! तिविहा वेदणा, पन्नत्ता, तंजहा-सारीरा माणसा सारीरमाणसा 10 / नेरइया | भंते ! किं सारीरं वेदणं वेदेति माणसं वेयणं वेदणं सारीरमाणसं वेदणं वेदेति ?, गोयमा ! सारीरंपि वेदणं वेदेति माणसंपि वेदणं वेदेति सारीरमाणसपि वेदणं वेदेति, एवं जाव: वेमाणिया, नवरं एगिदियविगलिंदिया सारीरं वेदणं वेदेति नो माणसं वेदणं वेदेति नो सारीरमाणसं वेदणं वेदेति 11 / कइविहा णं भंते ! वेयणा पत्नत्ता ?, गोयमा ! तिविहा वेयणा पत्नत्ता, तंजहा-साता असाता सातासाता 12 / नेरझ्या णं भंते ! किं सायं वेदणं वेदंति असातं वेदणं वेदेति सायासायं वेदणं वेदेति ?, गोयमा ! तिविहंपि वेदणं वेदेति, एवं सव्वजीवा जाव वेमाणिया 13 / कतिविहा णं भंते ! वेदणा पन्नत्ता ?, गोयमा ! तिविहा पन्नत्ता, तंजहा-दुक्खा सुहा अदुक्खसुहा 14 / नेरइया णं भंते ! किं दुक्खं वेदणं वेदेति पुच्छा, गोयमा ! दुक्खंपि वेदणं वेदेति सुहंपि वेदणं
Page Navigation
1 ... 387 388 389 390 391 392 393 394 395 396 397 398 399 400 401 402 403 404 405 406 407 408