Agam 28 Prakirnak 05 Tandul Vaicharik Sutra

Author(s): Punyavijay, Suresh Sisodiya, Sagarmal Jain
Publisher: Agam Ahimsa Samta Evam Prakrit Samsthan

Page 83

तंदुलधेयालियपइण्णय
. (सरीरसहवं) - आउसो ! जंपि य इमं सरीरं इटुं पियं कंतं मणुगं मणामं मणाभिरामं थेज्जं वेसासियं सम्मयं बहुमयं अणुमयं भंडकरंडगसमाणं, रयणकरंडओ विव सुसंगोवियं, चेलपेडा विव सुसंपरिवुडं, 'तेल्लपेडा विव सुसंगोवियं ‘मा णं उण्हं मा णं सीयं मा णं खुहा मा णं पिवासा मा णं चोरा मा णं वाला मा णं दंसा मा णं मसगा मा णं वाइय-पित्तिय-सिभिय-सन्निवाइया विविहा रोगायंका फुसंतु'त्ति कटु । एवं पि याई अधुवं अनिययं असासयं 'चओवचइयं विप्पणासधम्म, पच्छा व पुरा व अवस्स विप्पचइयव्वं ॥१०८।।
एयस्स वि याइं आउसो ! अणुपुग्वेणं अट्ठारस य पिटकरंडगसंधीओ, बारस पंसुलिकरंडया, छप्पंसुलिए कडाहे, बिहत्थिया कुच्छी, चउरंगुलिआ गीवा, चउपलिया जिब्भा, दुपलियाणि अच्छीणी, चउकवालं सिरं, बत्तीसं दंता, सत्तंगुलिया जीहा, अधुट्टपलियं हिययं, पणुवीसं पलाइं कालेज्ज । दो अंता पंचवामा पण्णत्ता, तं जहा--"थुल्लते य तणुअंते य । तत्थ णं जे से "थुल्लते तेणं उच्चारे परिणमइ, तत्थ णं जे से तणुयंते तेणं पासवणे परिणमइ । दो पासा पण्णता, तं जहा--वामे पासे दाहिणे पासे य । तत्य गं'से 'वामे पासे से सुहपरिणामे, तत्थ णं जे से दाहिणे पासे से दुहपरिणामे । आउसो ! इमम्मि सरीरए सटुं संधिसयं, सत्तुत्तरं मम्मसयं, तिन्नि अट्ठिदामसयाई, नव ण्हारुयसयाई, सत्त सिरासयाई, पंच पेसीसयाई, नव धमणीओ, नवनउइं च रोमकूवसयसहस्साइं विणा केस-मंसुणा, सह केस-मंसुगा अपुट्ठाओ रोमकूवकोडीओ ॥१०९॥
१.. तेल्लकेला विव सं० वृपा० ॥ २. चयाव° वृ०॥ ३. °गसंधिणो बारस
पासुलियकरडया, छप्पंसु° सं० ।। ४-५. थूलते सा० ।। ६. वामपासे पु० ॥ ७. दाहिणपासे पु० ॥ ८, दामाण सया० सं० ॥