Agam 19 Upang 08 Niryavalika Sutra

Author(s): P L Vaidya
Publisher: P L Vaidya

Page 128

महाबलजन्मादिवर्णनम्
१०७
सए करेन्ति, अब्भुग्गयमूसियपहसिए इव, वण्णओ जहा रायपसेणइजे, जाव पडिरूवे । तेसि णं पासायवडिंसगाणं बहुमज्झदेसभागे एत्थ णं महेगं भवणं करेन्ति अणेगखम्भसयसंनिचिटुं, वण्णओ जहा रायपसेणइजे, पेच्छाघरमण्डवंसि जाव पडिरूवे॥
१७. तए णं तं महब्बलं कुमारं अम्मापियरो अन्नया कया वि सोभणंसि तिहिकरणदिवसनक्खत्तमुहुर्यसि पहायं कयबलिकम्मं कयकोउयमङ्गलपायच्छित्तं सवालंकारविभूसियं पमक्खणगण्हाणगीयवाइयपसाहणट्टङ्गतिलगकङ्कणअविहववहुउवणीयं मङ्गलसुजम्पिएहि य वरकोउयमङ्गलोवयारकयसन्तिकम्मं सरिसयाणं सरित्तयाणं सरिव्वयाण सरिसलावण्णरूवजोव्वणगुणोववेयाणं विणीयाणं कयकोउयमङ्गलपायच्छित्ताणं सरिसएहितो रायकुलोहितो आणिल्लियाणं अट्ठण्हं रायवरकन्नाणं एगदिवसेणं पाणिं गिण्हाविंसु॥
१८. तए णं तस्स महाबलस्स कुमारस्स अम्मापियरो अयमेयारूवं पीइदाणं दलयन्ति । तं जहा-अट्ठ हिरण्णकोडीओ, अट्ट सुवण्णकोडीओ, अट्ठ मउडे मउडप्पवरे,अट्ठ कुण्डलजुए कुण्डलजुयप्पवरे, अट्ट हारे हारप्पवरे, अट्ठ अद्धहारे अद्धहारप्पवरे, अट्ट एगावलीओएगावलिप्पवराओ,एवं अट्ठ मुत्तावलीओ,एवं कणगावलीओ,एवं रयणावलीओ,अट्ट कडगजोए कडगजोयप्पवरे. एवं तुडियजोए, अट्ट खोमजुयलाई खोमजुयलप्पवराइएवंवडगजुयलाई,एवं पट्टजुयलाई, एवंदुगुल्लजुयलाई,अट्ठसिरीओ,अट्ठ हिरीओ,एवंधिईओ,कित्तीओ, बुद्धीओ,लच्छीओ,अट्ठ नन्दाई,अट्ठभद्दाई,अट्ट तले तलप्पवरे, सव्वरयणामए, णियगवरभवणकेऊ अट्ट झए झयप्पवरे, अट्ट