Agam 11 Ang 11 Vipak Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 12

66666666666666
(१४) श्री विवागसूर्य पढमो सुयवखंधी ? अज्झयणं मियाउत [२] विहरति, ततेां से भगवं गोतमे तं जातिअंधपुरिसं पासति पासेत्ता जायसड्ढे जाव एवं व० अत्थि णं भंते! केई पुरिसे जातिअंधे आय (जाइ) अंधारूवे ?, हंता अत्थि, कहिं णं भंते ! से पुरिसे जातिअंधे जातिअंधारूवे ?, एवं खलु गोतमा ! इहेव मियग्गामे णगरे विजयस्स पुत्ते मियादेवीए अत्तए मियाउत्ते णामं दारए जातिअंधे जातिअंधारूवे, नत्थि णं तस्स दारगस्स जाव आगतिमित्ते, तते णं सा मियादेवी जाव पडिजागरपाणी २ विहरति, तते णं से भगवं गोतमे समणं भगवं महावीरं वंदति नम॑सति नम॑सेत्ता एवं व० - इच्छामि णं भंते ! अहं तुब्भेहिं अब्भणुण्णाते मियापुत्तं दारयं पासित्तए, अहासहं देवाणुप्पिया !, तते णं से भगवं गोतमे समणेणं भगवया० अब्भणुण्णाते समाणे हट्ठतुट्ठेसमणस्स भगवओ महावीरस्स अंतितातो पडिनिक्खमइ पडिनिक्खमइ त्ता अतुरियं जाव सोहेमाणे २ जेणेव मियागा णगरे तेणेव उवागच्छति उवागच्छि त्ता मियग्गामं णगरं मज्झमज्झेणं अणुपविसइ त्ता जेणेव मियाए देवीए गिहे तेणेव उवागए, तते णं सा मियादेवी भगवं गोतमं एज्नमाणं पासति पासित्ता हट्ठ० जाव एवं व० संदिसंतु णं देवाणुप्पिया ! किमागमणपयोयणं ?, तते णं भगवं गोतमे मियं देवि एवं व० अहण्णं देवाणुप्पिए ! तव पुत्तं पासित्तु हव्वमागते, तते णं सा मियादेवी मियापुत्तस्स दारगस्स अणुभग्गजायए चत्तारि पुत्ते सव्वालंकारविभूसिए करेति त्ता भगवतो गोतमस्स पाएस पाडेति त्ता एवं व०- एए णं भंते! मम पुत्ते पासह, तते णं से भगवं गोतमे मियं देविं एवं व० - नो खलु देवाणुप्पिए ! अहं एए तव पुत्ते पासिउं हव्वमागए, तत्थ णं जे से तव जेट्ठे पुत्ते मियापुत्ते दारए जातिअंधे जाव अंधारूवे जण्णं तुमं रहस्सियंसि भूमिघरंसि रहस्सिएणं भत्तपाणेणं पडिजागरमाणी २ विहरसि तं णं अहं पासिउं हव्वमागते, तते णं सा मियादेवी भगवं गोतमं एवं व० से के णं गोतमा ! से तहारूवे णाणी वा तवस्सी वा जेणं तव एसमद्वे मम ताव रहस्सकते तुब्भे हव्वमक्खाते जतो णं तुब्भे जाणह ?, तणं भगवं गोतमे मियं देविं एवं व० एवं खलु देवाणुप्पिए ! मम धम्मायरिए० समणे भगवं महावीरे जाव ततो णं अहं जाणामि, जावं च णं मियादेवी भगवया गोसद्धि एवम संलवति तावं च णं मियापुत्तस्स दारगस्स भत्तवेला जाया यावि होत्था, तते णं सा मियादेवी भगवं गोयमं एवं व० तुब्भे णं भंते ! इह चेव चिट्ठ जाणं अहं तु मियापुत्तंदारयं उवदंसेमित्तिकट्टु जेणेव भत्तपाणघरए तेणेव उवागच्छति त्ता वत्थपरियट्टं करेति त्ता कट्टसगडियं गेण्हति त्ता विपुलस्स असणपाणखातिमसातिमस्स भरेति त्ता तं कट्ठसगडियं अणुकड्ढेमाणी २ जेणेव भगवं गोतमे तेणेव उवागच्छति त्ता भगवं गोतमं एवं वयासी एह णं तुब्भे भंते ! (सद्धि) अंगच्छह जा णं अहं तुब्भं मियापुत्तं दारयं उवदंसेमि, तते गं से भगवं गोतमे मियं देविं पिट्ठओ समणुगच्छति, तते णं सा मियादेवी तं कट्टसगडियं
इ
ढाणी २ जेणेव भूमिघरे तेणेव उवागच्छति त्ता चउप्पुडेणं वत्थेणं मुहं बंधे मुहं बंधेमाणी भगवं गोतमं एवं व० - तुब्भेवि य णं भंते! मुहपोत्तियाए मुहं बंधह, तण भगवं गोतमे मियादेवीए एवं वृत्ते समाणें मुहपोत्तियाए मुहं बंधेति (बंधइ), तते णं सा मियादेवी परंमुही भूमीघरस्स दुवारे विहाडेति, ततो णं गंधे निग्गच्छति से जहानाम अहिमडेति वा जाव ततोवि य णं अणिट्टतराए चेव जाव गंधे पण्णत्ते, तते णं से मियापुत्ते दारए तस्स विपुलस्स असणपाणखाइमसाइमस्स गंधेणं अभिभूते समाणे तंसि विपुलंसि असणपाणखाइमसाइमंसि मुच्छिते० विपुलं असणं० आसएणं आहारेति त्ता खिप्पामेव विद्धंसेति, ततो पच्छा पूयत्ताए य सोणियत्ताए य परिणामेति, तंपि य णं पूयं च सोणियं च आहारेति, तते णं भगवतो गोतमस्स तं मियापुत्तं दारयं पासित्ता अयमेयारूवे अज्झत्थिते० समुप्पज्जित्था - अहो दार पुरा पोराणाणं दुचिण्णाणं दुप्पडिक्कंताणं असुभाणं पावाणं कडाणं कम्माणं पावगं फलवित्तिविसेसं पच्चणुभवमाणे विहरति, ण मे दिट्ठा णरगा वा णेरइया वा पच्चक्खं खलु अयं पुरिसे नरयपडिरूवियं वेयणं वेतित्तिकट्टु मियं देवि आपुच्छति ता मियाए देवीए गिहाओ पडिनिक्खमति त्ता मियग्गामं णगरं मज्झमज्झेणं निगच्छति त्ता जेणेव समणे भगवं महावीरे तेणेव उवागच्छति त्ता समणं भगवं महावीरं तिक्खुत्तो आयाहिणपयाहिणं करेति त्ता वंदति नम॑सति त्ता एवं व० एवं खलु अहं तु भेहिं अब्भणुण्णाए समाणे मियग्गामं नगरं मज्झंमज्झेणं अणुपविसामि त्ता जेणेव मियाए देवीए गिहे तेणेव उवागते, तते णं सा मिया देवी ममं एज्झमाणं पासति त्ता हट्ठ० तं चैव सव्वं जाव पूयं च सोणियं च आहारेति, तते णं मम इमे अज्झत्थिते० समुप्पज्जित्था - अहो णं इमे दारए पुरा जाव विहरति । ४ । से णं भंते ! पुरिसे पुव्वभवे के आसी किंनामए वा किंगोत्तए वा कयरंसि गामंसि वा नगरंवास किं वा दच्चा किं वा भोच्चा किं वा समायरित्ता केसिं वा पुरा पोराणाणं जाव विहरति ?,
श्री आगमगुणमजूषा - ७५८