Agam 08 Antgadadasao Angsutt 08 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 13

८
अंतगदाओ ३/८/१३
सहोदरं कणीयसं पाउयं विदिष्णं तए णं से हरि-नेगमेसी कण्हं वासुदेवं एवं ययासी- होहि णं देवाणुप्पिया तब देवलोयचुए सहोदरे कणीयसे भाउए से णं उम्मुक्क [बालभावे विण्णय परिणयमेत्ते जोव्वण] मणुप्पत्ते अरहओ अरिट्ठनेमिस्स अंतियं मुंडे [ भवित्ता अगाराओ अणगारिय] पव्वइस्सइ कण्हं वासुदेवं दोघं पि तच्चं पि एवं वदइ वदित्ता जामेव दिसं पाउब्यूए तामेव दिसं पडिगए
तए णं से कहे वासुदेवे पोसहसालाओ पडिनिवत्तइ पडिनिवतित्ता जेणेव देवई देवी तेणेव उवागच्छइ उवागच्छित्ता देवईए देवीए पायग्गहणं करेइ करेत्ता एवं ययासी-होहिए णं अम्मी मम सहोदरे कणीयसे भाउए ति कट्टु देवई देविं ताहिं इट्ठाहिं कताई पियाहिं मण्णुणाहिं मणामाहिं वग्गूहिं आसासेइ आसासेत्ता जामेव दिसं पाउब्यूए तामेव दिसं पडिगए तए णं सा देवई देवी अन्नवा कयाई तंसि तारिसगंसि वासघरंसि जाव सीहं सुमिणे पासिता पडिबुद्धा जाव गन्धं परिवहइ तए णं सा देवई देवी नवहं मासाणं जासुमण-रत्तबंधुजीवय-लक्खारस- सरसपारिजातक-तरुणदिवायरसमप्पभं सव्वणवणकंत-सुकुमालपाणिपायं जाव सुरूवं गयतालुसमाणं दारयं पयाया जम्मणं जहा मेहकुमारे जाब जम्हाणं अम्हं इमे दारए गयतालुसमाणे तं होउ णं अम्हं एयस्स दारगस्स नामधेजे यसुकुमाले त णं तस्स दारगस्स अम्पापियरो नामं कयं -गयसुकुमालो त्ति सेसं जहा मेहे जाय अलंभोगसमये जाए यावि होत्या तत्व णं बारवईए नयरीए सोमिले नाम माहणे परिवसइ- अड्ढे रिउव्वेय जाव वंभण्णएसु य सत्थेसु सुपरिणिट्ठिए यात्तवचि होत्या तस्स सोमिल-माहणस्स सोमसिरी नामं पाहणी होत्या सुकुमालपाणिपाया तस्स णं सोमिलस्स धूया सोमसिरीए माहणीए अत्तया सोमा नामंदारिया होत्या- सुकुमालपाणिपाया जाव सुरूवा रूवेणं [ जोव्वणेणं] लावण्णेणं उक्कडा उक्तिकइसरीरा यावि होत्या तए णं सा सोमा दारिया अण्णया कयाइ व्हाया जाव विभूसिया बहूहिं खुजाहिं जाव महत्तरविंद - परिक्खित्ता सयाओ गिहाओ पडिणिक्खमइ पडिणिक्खमित्ता जेणेव रायमाणे तेणेव उवागच्छइ उवागच्छित्ता रायमागसि कणगतिंदूसएणं कीलमाणी चिट्ठइ तेणं कालेणं तेणं समएणं अरहा अरिट्ठनेमी समोसढे परिसा निग्गया तए णं से कण्हे वासुदेवे इमीसे कहाए लद्धठ्ठे समाणे हाए जाय विभूसिए गवसुकुमालेणं कुमारेणं सद्धिं हत्थिखंधवरगए सकोरेंटमल्लदामेणं छत्तेणं धरिमाणेणं सेयवरचामराहिं उद्दव्यमाणीहिं बारवईए नयरीए पज्झंमज्झेणं अरहओ अरिनेमिस्स पायबंदए नग्गच्छमाणे सोपं दारियं पासइ पासित्ता सोमाए दारियाए रूवेण य जोव्वणेण य लावणेण य जायविम्हए कोडुंबियपुरिसे सद्दावेइ सद्दावेत्ता एवं वयासी-गच्छहणं तुम्भे देवगुप्पिया सोमिलं माहणं जायित्ता सोमं दारियं गेण्हह गेण्हित्ता कण्णंतेउरंसि पक्खिवह तए णं एसा गयसुकुमालस्स कुमारस्स मारिया भविस्सइ तए णं कोडुंबियपुरिसा तेव पक्खिवंति
तए णं से कहे वासुदेवे बारवईए नयरीए मज्झंमज्झेणं निग्गच्छइ निग्गच्छित्ता जेणेव सहसंबवणे उखाणे [ जेणेव अरहा अरिनेमी तेणेव उवागच्छइ उवागच्छित्ता अहं अरिट्ठनेमिं तिक्खुतो आयाहिण-पयाहिणं करेइ जाव] पजुवासइ तए णं अरहा अरिट्ठनेमी कव्हरस वासुदेवस्स गयसुकुमालस्स कुपारस्स तीसे य [महतिमहालियाए महच्चपरिसाए चाउज्जामं धम्मं कहेइ तं जहासव्वाओ पाणाइवायाओ वेरमणं सव्वाओ मुसायायाओ वेरमणं सव्वाओ अदिन्नादाणाओ वेरमणं सव्वाओ पहिग्गहातो वेरमणं ] कण्हे पडिगए तए णं से गयसुकुमाले अरहओ अरिनेमिस्स अंतिए धम्मं सोचा [निसम्मं तुट्टे अरहं अरिनेमिं तिक्खुत्तो आयाहिण-पयाहिणं करेइ करेत्ता वंदइ