Agam 07 Ang 07 Upashak Dashang Sutra Uvasagdasao Terapanth

Author(s): Tulsi Acharya, Nathmalmuni
Publisher: Jain Vishva Bharati

Page 168

अट्ठमं अज्झयणं (महासतए)
अहीण-पडिपुण्ण-पंचिंदियसरीरामो जाव' माणुस्सए कामभोए पच्चणुभवमा
णीग्रो विहरंति ॥ ७. तस्स णं महासतयस्स रेवतीए भारियाए कोलहरियानो' अट्ठ हिरण्णकोडीओ,
अट्ठ वया दसगोसाहस्सिएणं वएणं होत्था। अवसेसाणं दुवालसण्हं भारियाणं कोलहरिया' एगमेगा हिरण्णकोडी, एगमेगे य वए दसगोसाहस्सिएणं वएणं
होत्था ॥ महावीर-समवसरण-पदं
८. तेणं कालेणं तेणं समएणं सामी समोसढे ॥ ६. परिसा निग्गया ।। १०. • कूणिए राया जहा, तहा सेणियो निग्गच्छइ जाव' पज्जुवासइ ।। ११. तए णं से महासतए गाहावई इमीसे कहाए लट्ठ समाणे-“एवं खलु समणे
भगवं महावीरे पुवाणुपुचि चरमाणे गामाणुगामं दूइज्जमाणे इष्मागए इह संपत्ते इह समोसढे इहेव रायगिहस्स नय रस्स बहिया गुणसिलए चेइए प्रहापडिरूवं प्रोग्गहं प्रोगिण्हित्ता संजमेणं तवसा अप्पाणं भावेमाणे विहइ।" तं महप्फलं खलु भो ! देवाणु प्पिया ! तहारूवाणं अरहंताणं भगवंताणं णामगोयस्स वि सवणयाए, किमंग पुण अभिगमण-वंदण-णमंसण-पडिपुच्छणपज्जुवासणयाए ? एगस्स वि पारियस्स धम्मियस्स सुवयणस्स सवणयाए, किमंग पूण विउलस्स अट्रस्स गहणयाए? तं गच्छामि गं देवाणुप्पिया ! समणं भगवं महावीरं वदामि णमंसामि सक्कारेमि सम्माणेमि कल्लाणं मंगलं देवयं चेइयं पज्जुवासामि-एवं संपेहेइ, संपेहेत्ता हाए कयबलिकम्मे कय-कोउयमंगल-पायच्छित्ते सुद्धप्पावेसाई मंगल्लाई वत्थाई पवर परिहिए अप्पमहग्धाभरणालंकियसरीरे सयाओ गिहाम्रो पडिणिक्खमइ, पडिणिक्खमित्ता सकोरेंटमल्लदामेणं छत्तेणं धरिज्जमाणेणं मणुस्सवगुरापरिखित्ते पादविहारचारेणं रायगिह नयरं मझमझेणं निग्गच्छइ, निग्गच्छिता जेणामेव गुणसिलए चेइए, जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं तिवखुत्तो आयाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता णच्चासण्णे णाइदूरे सुस्सूसमाणे णमंसमाणे अभिमुहे विणएणं पंजलिउडे पज्जुवासइ ।।
१. सं० पा०--अहीण जाव सुरूवाओ। २. उवा० १११४॥ ३. कोलधरियाओ (ख)। ४. कोलरिया (क, ख, ग, घ)!
५. सं० पा०-जहा आणंदो तहा निगच्छइ ।
तहेव सावयधम्म पडिवज्जइ। ६. ओ० सू० ५३-६६ ।